Home Suceso Bululu completo na Malmok cu homber full sunu den lama

Bululu completo na Malmok cu homber full sunu den lama

4658
0
SHARE
— Polis Maritimo evitando cu e homber ta bay mas leu.
- Advertisement -

ORANJESTAD(AAN): Diadomingo merdia 2:10 pm, un cantidad di yamada a cuminza drenta na Polis, indicando cu na Malmok tin algo raro ta pasando.  Un homber cu visiblemente ta hopi distrai, ta actua hopi raro.

   Polis a haya sa, cu diripiente un Pickup a yega den area di barancanan na Malmok.  E homber a baha di biaha di e pickup, y na careda a cuminza move pa lama, y haci cosnan straño.

   Polisnan a yega rapido na e lugar, y aki a bin topa cu un Pickup double-cabina color preto cu number A-21181.  Y e homber mes ya ta basta leu den lama.

   Riba baranca tabatin su amigonan tambe cu ta purba na convence cu gritonan, pa e bin bek tera.  Mientras tanto Polisnan Maritimo riba SeaDoo a bin duna asistencia, y pa evita cu e homber ta sigi bay mas leu den lama.

   Agentenan Maritimo a logra papia cu e homber, y a pone cuminza tuma paso bek pa tera.  Ora el a cuminza yega tera, a nota cu e no tin pana curpa.  Por a mira cu e tin herida na su curpa, y pa colmo ora di subi tera, el a cuminza bringa cu su mesun amigonan.  Golpi aki a cay tambe.

   E homber no tabata razona, y no kier a coopera cu autoridad.  A hasta solicita yudanza di Cruz Corra Aruba.

   Finalmente Polisnan a bay cu man fuerte contra dje, a logra pone su pianan na boei, y nan a djis carge full pa hibe te den e Dog-Catcher pa asina bay cune pa Warda di Polis, unda Fiscal Auxiliar lo dicidi kico pa haci cu e homber hoben aki.  No ta conoci si e tabata bao influencia di algo, of si acaso distraccion di mente a pone actua asina.

- Advertisement -

DUNA COMENTARIO

Please enter your comment!
Please enter your name here