Home Social Caminda di Cruz BIBO na Dakota Diabierna Santo 14 di April

Caminda di Cruz BIBO na Dakota Diabierna Santo 14 di April

61
0
SHARE
- Advertisement -

ORANJESTAD (AAN) – Diabierna 14 di April, otro siman, cu ta Diabierna Santo, e Caminda di Cruz Bibo di Parokia di Dakota ta tuma lugar. Esaki ta su di nuebe edicion. El a cuminza na aña 2009 Diabierna 10 di April.

Matutino DIARIO a entrevista sra. Gina Nuboer, coordinador y director su support di su casa cu Sergio Solagnier cu tambe ta actua, ta tecnico y PR.

E ta cuminza pa 10 or di mainta for di Misa di Fatima unda e ta caba despues di a pasa e cayanan.

Manera custumber nan ta cambia e ruta, y e biaha aki e ruta ta manera e ta sigui:

RUTA: Saliendo di Misa ta sigui pa Mispelstraat, Pampoenastraat, Appelsinastraat, Tamborstraat, Fiyostraat, Pindastraat, Caya Appeldam, Patiastraat, Mispelstrat, Misa La Birgen di Fatima.

“E aña aki tin algun personahe cu a cambia di actor cu actriz. Jesus si ta keda cu e mesun actor Wilmar Aristizabal”, sra. Gina Nuboer a duna di conoce.

“Tin aproximadamente entre cincuenta pa sesenta persona cu ta actua, y banda di nan e tecniconan, personanan cu zorg pa yuda parti cuminda, y e seguridad, tur hunto nos ta alrededor di 125 persona. E aña aki atrobe nos tin Padvinder cu ta cana dilanti, esaki pa contribui cu seguridad di e publico y pa percura pa e actornan haya espacio”, sra. Nuboer a splica.

Rode Kruis tambe lo contribui por si acaso tin hende por bira malo.

Recomendacion:

Gina ta recomenda pa personanan cu ta bin na ayuno tog trece un boter di awa y un fruta tambe. No lubida e sunblock, sombre, zapato comodo, paña fresco.

“Si ta bay tin hende cu rolstoel nan ta bay haya e oportunidad di cana mas dilanti. Lo tin tent y stoel, na Misa pa personanan cu no por bay cana y tog ta desea di bin. E personanan cu ta keda den Misa e Caminda di Cruz ta wordo lesa, simultaneamente cu esun den cayanan. Si ta posible no parkeer auto riba e ruta den e horario di 10 or di mainta pa 12.30 di merdia. E ta pa seguridad di bo mes auto”, sra. Nuboer a subraya.

Na cuminzamento Pader Szpila lo duna su bendicion y hiba palabra pa habri e Caminda di Cruz.

INVITACION:

Un invitacion ta bay pa henter e pueblo pa participa den e Caminda di Cruz. Mayornan trece boso yiunan cana hunto cu Jesus, y asina nan por presenta con Jesus a sufri pa nos y a wordo crucifica pa nos. Esaki lo engrandece nan aprecio, amor y FE pa Jesus.

Conmemora y honra Dios cu bo presencia!

TRANSMITI PA TELE ARUBA:

Pa personanan cu pa un of otro motibo no por sali di cas, Tele Aruba lo transmiti e Caminda di Cruz Bibo di Parokia di Dakota.

GRADICIMENTO:

“Primeramente na Papa Dios cu a duna nos e bida, salud y forza pa bolbe pone e Caminda di Cruz den e cayanan di Dakota; na Pastor Szpila pa su sosten tur e nuebe añanan aki; na mi famia completo y na tur integrantenan cu ta forma di e electo, y tur persona cu di un of otro manera ta contribui cu e Caminda di Cruz Bibo”, sra. Nuboer a conclui.

- Advertisement -

DUNA COMENTARIO

Please enter your comment!
Please enter your name here