Home Deporte Campeonato serie del Caribe pony league lo tuma lugar na Aruba fin...

Campeonato serie del Caribe pony league lo tuma lugar na Aruba fin di Juni

265
0
SHARE
- Advertisement -

ORANJESTAD (AAN) – E organisacion di baseball pa juventud cu ta PONY Baseball cu den e ultimo temponan aki tawata hopi activo den baseball infantil y hubenil ta bezig ta organisando un vez mas “Serie del Caribe” na Aruba.

PONY Baseball Aruba pa tres aña consecutivo ta organisando e evento grandi aki pa nos peloteronan. E serie del Caribe na Aruba lo ta den categorianan Mustang 9-10 y Colt 15-16.

E anja aki nos ta sperando riba e Pais nan di Caribe manera: Venezuela, Colombia, Panama, Guatemala, Bahamas, Puerto Rico, Republica Dominicana, St. Maarten, Bonaire, Curacao  pa confirma nan participashon y naturalmente Aruba. E fechanan cu ta programa pa e Serie del Caribe lo cuminsa dia 28 di juni y lo termina 2 di juli 2017.

E fundacion aki di basebal ta trahando dia pa dia pa yuda e basebal na Aruba. Den Pony Baseball tin alrededor di 750 pelotero rond di Aruba cu ta practica e deporte di basebabl, y locual ta hasi Pony basebal mas atractivo ta cu Aruba por escoge un seleccion nacional pa representa nos dushi Isla.

Mirando e perspectiva nan di pais Aruba pa cu Pony Basebal nos pais ta dunando indicacion cu pa e proximo añanan Aruba lo ta sede di Serie del Caribe pa Pony Baseball. Pais Aruba su ubicacion den Caribe ta perfecto y ta bon conoci den turismo.

Atraves di Pony Leagua cu ta organizando Serie del Caribe nos ta atrae turismo deportivo pa nos pais. Pony League ta hasi un yamada na tur comerciante di Aruba cu kier colabora pa juda Pony Baseball pa organisa e evento grandi aki.

Colaborando cu deporte sigur lo trese beneficio pa nos comerciantenan local dor di duna exposure di nan productonan y servicio. Pueblo di Aruba ta keda semper bonbini pa wak e weganan y apoya nos seleccionnan nacional compitiendo cu e otro paisnan den regio.

Pa mas informashon por jama oficina di Pony na Paradera 151, telefoon 5863060 di 9or pa 1or di merdia, dialuna pa diaierna. Pony League Aruba trahando duro pa realisa e soño di nos peloteronan.

 

- Advertisement -

DUNA COMENTARIO

Please enter your comment!
Please enter your name here