Home Deporte International Carlos Martinez di Cardinals ta honra amigonan cu a fayece

Carlos Martinez di Cardinals ta honra amigonan cu a fayece

13
0
SHARE
- Advertisement -

LOUIS:—- Tumando nan posicion riba linea di tercera base na Minnesota pa e ritual di dia di inauguracion di campeonato Grandes ligas, e ausencia di ex compañero Yordano Ventura ta wordo sinti. Twins a planea un tributo pre-wega a Yordano Ventura (foto), pitcher estelar cu a fayece den un desgracia di trafico cu 25 aña di edad na januari na Republica Dominicana durante vacasion.

Pero na St. Louis, habridor di Cardinals Carlos Martinez poco poco a subi monticulo diadomingo anochi, sak abao y cu su dede indicador di man drechi el a skirbi e numbernan 18 y 30 y cada un cu un circulo rond di dje.

El a dal un paso atras, keda cu bista claba riba loke el a pinta y despues duna un oracion cortico.

E numbernan ta representa number di su ex compañeronan di equipo, Oscar Tavares cu a muri na october 2014 den desgracia di auto cu su novia y ex paisano Yordano Ventura

Martinez di 25 aña di edad, e pitcher mas hoben di un dia inaugural pa habri wega den 28 aña di edad, a hala un bon rosea, subi monticulo y a tira kizas e wega mas emocional di su carera hoben.

Martinez absolutamente a sorprende e campeonnan Chicago Cubs, hibando Cardinals na un victoria di 4-3 dilanti un publico di 47.566 den Busch Stadium.

“Pa mi tabata un honor y masha hopi emocion tabata pasa den mi curpa”, el a bisa via un traductor di Cardinals. “Tabata un honor di tabata manera un ruman cu tur dos. Cada vez mi subi monticulo mi lo dedica cada wega na nan. Nan a siñami pa biba mi bida y goza mi bida” ,locual mi ta haciendo tambe”, segun Carlos Martinez.

 

- Advertisement -

DUNA COMENTARIO

Please enter your comment!
Please enter your name here