Home Suceso Carta pa habri e pida caminda parti patras di Pos Chiquito

Carta pa habri e pida caminda parti patras di Pos Chiquito

53
0
SHARE
- Advertisement -

ORANJESTAD (AAN)—Mirando e situacion hopi fastioso y incomodo cu tin cu e trafico cu mester subi atardi pa San Nicolas y baha mainta y cu ta stanca formalmente, den combersacion cu un agente Policial, el a comenta cu Diahuebs atardi, un carta cu peticion pa habri e caminda parti patras cu ta pasa na Pos Chiquito, bek, pa asina por suavisa e fluho di trafico. E carta a bay den forma di urgencia.

Diahuebs por a mira bon cla cu na altura di Isla del Oro, riba caminda grandi, tabata tin patruya di Polis, ta dirigi e fila largo di trafico cu ta pega riba e caminda aki, den forma hopi iritante. Loke ta mustra straño si, cu despues cu e automobilista caba di pasa e Polisnan, mesora bo por tuma nota cu e caminda bay ariba parti atardi of bin abou parti mainta, no ta mucho stanca, pues cu otro palabra, debi kizas cu e Polis ta para trafico pa esnan banda subi of baha, ta haci cu tin mas stancamento. Riba e caminda banda patras di e caminda grandi tin trabounan ta wordo realiza y e espacio pa auto por trafica ta hopi smal y peligroso. Ta di spera cu pa e fin di siman aki padilanti, e stancamento  cu tin diariamente den e trafico cu ta subi pa San Nicolas of baha di San Nicolas, por haya un alivio.

- Advertisement -

DUNA COMENTARIO

Please enter your comment!
Please enter your name here