Home General Casnan na Aruba unda tin casonan sospechoso di Zika aworaki ta prioridad...

Casnan na Aruba unda tin casonan sospechoso di Zika aworaki ta prioridad pa controla

67
0
SHARE
- Advertisement -

ORANJESTAD (AAN): Desde comienso di fin di aña pasa na momento cu GKMB a tuma nota cu awa a cuminsa yobe y basa riba nan plan nacional pa combati Dengue, a worde modifica desde introduccion di Chikungunya y adapta un biaha mas despues di Zika.

Director interino di GKMB y Presidente di VAT, Ing. Clayton Croes, a remarca cu tur loke ta control di sangura ta basa riba e plan cu ta reconoci y traha di e prescripcion di PAHO y WHO. Esaki a duna GKMB tur indicacion cu e ta basa riba e yobida y ta cuadra cu e tendencia climatologico cu no ta cambia.

Desde aña pasa na november GKMB a tuma nota e yobida ta na un cantidad hopi grandi y a duna nan un idea kico pa spera. Siguiendo e protocol e casnan cu ta casonan sospechoso ta bira prioridad, cual ta casnan cu ta worde notifica via departamentonan concerni, cu ta Departamento di Epidemilogie y DVG. E bishitanan ta worde haci, informacionnan necesario ta duna, ta haci control rond di cas. Ta fumiga cu productonan biodegradable residual cu mashin nobo den e bisindario pa asina sigui combati e sanguranan y e di dos manera ta fumiga rond di e casnan aki. Como cu e ta protocol standard, GKMB ta keda haci esaki na mesun manera.

Desde januari GKMB a tuma nota cu e sintoma syndroom fever rash a bira mas frecuente. A hala atencion di e organizacion di VAT y nan a pidi pa dokternan sigui manda notificacion di e casonan aki. A nota cu e notificacionnan di e caso aki a aumenta. “Esey ta loke nos kier, loke nos mester. Bo ta amplifica y pidi dokternan di cas pa duna mas man y esey ta tremendo. E notificacionnan a subi y a base di esey nos a tuma nota cu casonan confirma a cuminsa subi”, asina Croes a sigui remarca.

E datonan ta keda drenta poco poco y GKMB a reenforsa e tareanan haci di keda fumiga rond di casnan. E index di december a cera cu un cifra halto di sangura y na januari esaki tambe tabata e caso. Ta mira esaki durante yobida, pero ta sinti e efecto tambe despues di yobida. Ya cu e index a subi, GKMB a uza nan arma di fumiga bario. Desde dia 20 di maart GKMB a cuminsa fumiga den e bario di San Nicolas. Esaki ta un tarea hopi grandi, hopi intensivo y ta tuma cooperacion di inspectornan di GKMB ya cu den dia nan ta bishita un cantidad grandi di tur notificacion.

“Progreso nos ta mira sigur, den sentido cu e tipo di trabao cu a worde haci aña pasa den asunto di Zika cu a tuma nos 8 siman. E aña aki nos por haci’e den 4 siman”, asina Croes a remarca. Esaki ta bin pe mehoracion cu GKMB tin den material, sigur dependiendo di e profesionalismo di e inspectornan di GKMB.

 

- Advertisement -

DUNA COMENTARIO

Please enter your comment!
Please enter your name here