Home Hudicial Castigo combina pa empleado cu a malversa mas cu 29 mil florin...

Castigo combina pa empleado cu a malversa mas cu 29 mil florin na SVb

823
1
SHARE
- Advertisement -

ORANJESTAD  (AAN):   Un caso cu ta data di 2011 pa 2014, awor numa ta wordo trata den Corte. Pa colmo e sospechoso no a presenta y tampoco e tabatin abogado. Fiscal a dicidi trata e caso asina mes y a exigi 180 ora di trabou pa comunidad di cual 90 ora ta condicional. Hues a confirma e castigo aki.

MALVERSA MAS CU 29 MIL FLORIN

E acusacion cu Fiscal a presenta contra e homber B.d K., kende no a presenta den Corte, ta cu entre 2011 y 2014, como empleado na Social Verzekerings Bank a malversa mas cu 29 mil florin.

Door cu e sospechoso no a presenta, Fiscal a dicidi pa trata e caso toch y Hues a bay di acuerdo.

Fiscal a mustra cu B.d K. tabata traha den administracion. E tabata cobra e placanan y mester laga deposita na banco.

Fiscal a bisa Hues cu miembronan di Recherche a scucha empleadonan y e empleadonan cu tabata hiba e placa banco. Nan a bisa cu ta B.d K. tabata esun cu tabata haci administracion. E tabata atraza den su trabou. A bay controla y a constata cu a malversa 29.100 florin.

CASTIGO

Fiscal ta haya e sospechoso culpable y a exigi 180 ora di trabou pa comunidad di cual 90 ora ta condicional cu un tempo di prueba di 2 aña. Fiscal a sigui bisa cu si B.d K. no cumpli cu e trabou pa comunidad, e lo mester bay 25 dia sera.

Hues a haci Fiscal diferente pregunta encuanto e investigacion y for di unda a conclui cu ta malversacion.

Fiscal a mustra cu tin cantidad di facturanan cu ta mustra cu a haci depositonan cu en realidad no ta cuadra. Hues a puntra cu no por tabata posibel cu e “bode” lo tabata hiba formularionan y keda sin entrega. Fiscal a mustra cu investigacion ta mustra cu e formularionan tabata wordo entrega y warda.

SENTENCIA

Hues despues di a pensa un rato a dicta sentencia di biaha. El a bisa cu e ta haya legalmente proba cu B.d K. a malversa 29.100 florin. Hues a mustra cu mirando e hecho cu e caso aki a sosode basta tempo pasa, Hues ta haya e exigencia di Fiscal na su lugar y ta confirma esaki.

Hues a condena B.d K. na 180 ora di trabou comunitario di cual 90 ora ta condicional cu un tempo di prueba di 2 aña. Si B.d K. no cumpli cu e cantidad di oranan di trabou comunitario, e lo mester bay sera pa 25 dia.

 

- Advertisement -

1 COMMENT

  1. E castigo di empleado publico BDK ta hole impunidad. No ta bisa si e mester paga e placa horta.

DUNA COMENTARIO

Please enter your comment!
Please enter your name here