Home Turismo CEO di Surinam Airways, Robbi Lachmising: “Nos lo haci nos best pa...

CEO di Surinam Airways, Robbi Lachmising: “Nos lo haci nos best pa haci e ruta aki un exito”

29
0
SHARE
- Advertisement -

Vuelo non-stop entre Aruba y Sanford, Orlando ta habri otro posibilidad pa atrae turista for di Merca

ORANJESTAD     (AAN):   E prome vuelo directo di Surinam Airways a sali di Aruba rumbo Sanford, Florida. Den cuadro di esaki, a tene un ceremonia special den VIP Room di aeropuerto Reina Beatrix unda cu Presidente y CEO di Surinam Airways, Robbi Lachmising a bin specialmente for di Paramaribo pa asina inaugura e vuelo aki cu lo sali tur dialuna pa 1:00 pm yegando Orlando Sanford International Airport 4:30 pm.

Den presencia di CEO di AAA NV James Fazio y CEO di Aruba Tourism Authority Ronella Tijn Asjoe-Croes, Lachmising a expresa di ta hopi contento cu e apertura di e posibilidad aki caminda awo tanto e localnan como e surinameñonan lo por yega Orlando y tene na un distancia hopi cerca di e atraccionnan turistico mas conoci manera Disney World, Sea World, Kennedy Space Center, entre otro.

Sr. Fazio a indica cu e vuelo aki ta un win-win situacion den tur sentido, tanto pa esnan cu ta haci negoshi como pa esnan cu kier bay cu vakantie.

El a expresa cu Surinam Airways ta un partner di AAA NV for di basta tempo y nan ta spera cu e vuelo aki logra hopi mas den futuro y sigui cu e relacion exitoso aki.

CEO di ATA NV a yama bonbini na e vuelo aki y a yame otro “milestone”. A agrega cu ATA NV ta contento cu e expansion aki cual ta habri mas posibilidad di transportacion pa nos isla. E ta un otro opcion pa e bishitantenan cu ta bin for di Merca pero e opcion aki tambe ta pas cu e esfuerzo pa atrae e mercado hispano cu ta biba den e area aki.

Ronella Tijn Asjoe-Croes a laga sa cu parti di e strategia den e mercado aki ta target e venezolanonan cu ta residente den e area aki y cu tin afinidad cu e producto cu yama Aruba. Esey ta parti di e strategia cu e ta hopi contento di dje y cu ta wordo celebra cu e introduccion di e vuelo entre Aruba y Sanford.

Lachmising di su banda a expresa cu pa mas di 10 aña, Surinam Airways ta ofrece su servicio entre Surinam y Aruba. E combersacionnan a tuma lugar cu e autoridadnan na Aruba pa habri e posibilidad aki. Orlando ta un destino hopi bishita debi na su atraccionnan turistico y parkenan tematico. Banda di esaki, hopi arubiano ta biba eynan, a bisa.

Surinam Airways a tuma e oportunidad di introduci nan prome vuelo non-stop for di Aruba pa Orlando. El a gradici e autoridadnan na Aruba pa e confianza den e compania y na mesun momento a pidi e localnan pa duna sosten na Surinam Airways y tambe Aruba pa haya e turistanan no solamente di Aruba pa Disneyland pero pa nan bin for di Merca pa Aruba. Esaki ta algo importante pa e economia, pa tur hende y tambe pa e aerolinea.

“Nos lo haci nos best pa haci e ruta aki un exito”, Robby Lachmising a expresa. E vuelo directo aki pa Sanford, Florida inicialmente lo ta tur dialuna cu un duracion di 3 ora y mey saliendo for di Aruba 1’or di atardi regresando diamars 4:30 pm for di Sanford. Mas meymey di aña, un otro vuelo pa siman lo wordo agrega na e itinerario aki.

Esnan interesa por cumpra nan pasashi na Surinam Airways of na bo agencia di viahe preferi.

Den un otro articulo DIARIO lo elabora riba mas posibilidad cu bo lo por haya cu e vuelo nobo aki di Surinam Airways.

- Advertisement -

DUNA COMENTARIO

Please enter your comment!
Please enter your name here