Home Suceso Chofer iresponsable spantando turistanan dilanti Highrise Hotels

Chofer iresponsable spantando turistanan dilanti Highrise Hotels

275
0
SHARE
- Advertisement -

ORANJESTAD (AAN): Tin hende cu no ta realiza, con sensitivo ‘turismo’ riba e isla ta.  Cualkier acto negativo, por pone turistanan sinti nan mes incomodo, y lo no escoge pa ripiti futuro viahe pa Aruba.

Y Diasabra anochi algo prome cu 9:00 pm, esey tabata pasando riba Irausquin Boulevard dilanti Highrise Hotelnan.  Un homber bao influencia (di un of otro substancia), tabata revv cu e motor di su Nissan Skyline color preto cu number A-58221.  E tabata paraliza trafico, pa asina haci un “burn-out”, kima tire, y por a mira turistanan tur spanta na banda, cu muchanan chikito tapando nan orea di e desorden.

Ta bon mes cu tabatin un unidad di Polis cu tabata tres auto patras di e Skyline, cu a mira full e situacion y e agentenan a bay handle cu e chofer di biaha.

E auto a drenta den e parking patras di Arowak Gardens, y tabata actua straño cu Polis.  Agentenan a hala su atencion riba loke e ta haciendo riba caya dilanti turistanan, y ora cu nan a mira cu e lo por ta bao influencia, nan a pone haci test di suplamento.

El a supla, y e machine e indica cu el a pasa e limite!  Pues legalemente e no mag di ta coriendo auto e momento ey mes.

E chauffeur a keda deteni mesora.  Tin algun miembro di famia cu a yega y purba mete den trabao di autoridad, pero nan a wordo ordena pa hala un banda.

Dogcatcher a yega, y por a mira satisfaccion riba cara di turistanan ora cu nan a mira cu Polis a detene e chofer cu un rato prome a pone tur hende spanta.  Pa colmo, e homber ta bao influencia, y tras di stuur legalmente e tabata un peligro pa e mes, y pa demas peaton y automobilistanan inocente.

Awor Fiscal y Ministerio Publico lo bay dicidi ki accion lo tuma, pasobra aña pasa mes ta hopi hende a perde nan rijbewijs coriendo auto bao influencia.

- Advertisement -

DUNA COMENTARIO

Please enter your comment!
Please enter your name here