Home Salud Clayton Croes di Gele Koorts Muskiet Bestrijding, Cifranan di Chikungunya of Zika...

Clayton Croes di Gele Koorts Muskiet Bestrijding, Cifranan di Chikungunya of Zika ta bahando bek.

22
0
SHARE
- Advertisement -

ORANJESTAD     (AAN):   Gele Koorts Muskiet Bestrijding ta haya notificacion pa medio di e departamento di Epidemiologia cu siman pasa a haya e ultimo datonan pa loke ta e datonan di casonan sospechoso di Chikungunya of Zika cu ta mustra cu pa di tres siman consecutivo a pasa e drempel of e linea cu cual nan ta midi e casonan sospechoso.

Abase di esaki por bisa cu tabata tin un outbreak den e sentido cu e sentido cu e casonan di notificacion a pasa e limite cu mester ta. Teniendo cuenta cu e datonan aki, Departamento di Epidemiologia a cuminza registra caba desde diabierna atrobe, pero esaki ainda ta hopi abao, Croes a indica.

El a agrega cu pa loke ta e notificacionnan, hopi biaha e persona ta tarda pa bay doctor. Ta bin acerca e parti di laboratorio, melding pa confirma esaki y tur esaki ta haci cu tin un tardanza di 4 siman pa haya e cifranan.   Segun Clayton Croes, den cuatro siman lo por trece dilanti e datonan nobo.

Pa loke ta criadero, el a indica cu desde november 2016 cu awa a cuminza yobe, e protocolnan y manualnan interno ta cambia. Esaki ta basa den e plan di accion nacional cu semper tabata asina desde tempo di Dengue y el a wordo modifica, amplia cu e introduccion di chikungunya y cu zika el a wordo modifica atrobe.

Segun recomendacion di World Health Organization (WHO) y Pan-American Health Organization (PAHO), e plan aki ta basa riba diferente fase mirando cu na november a drenta oficialmente na e temporada di yobida y ta conoci cu awacero ta cay hopi den e temporada aki.

E accion di GKMB a sigui te na februari, unda cu hopi awa a cay durante december. Banda di esaki, danki na e cooperacion di media docter Salazar a trece dilanti pa sigui stimula docternan di cas pa sigui meld na DESPA e casonan sospechoso.

Door di esaki a ripara cu e meldingnan a subi drasticamente locual a nifica cu por a refleha e cifranan di un forma mas real, Croes a indica.

Siguiendo consehonan di Hulanda, tur loke ta wordo categoriza como casonan positivo di Zika a wordo modifica y esaki a duna un bista mas realistico di e casonan sospechoso y kico ta un caso confirma, Clayton Croes a laga sa.

Pa diabierna siman pasa, departamento di Epidemiologia a pone DBG y GKMB na altura y a yega un total di 298 caso confirma di Zika. Esaki a hustifica pakico tres siman pasa GKMB a cuminza cu e fumigacion na San Nicolas.

Semper a base di datonan ta guia e proyecto manera debe ser y segun procedura di e protocol nacional. Awor ta yegando na un fase unda e cifranan ta bahando bek, e experto a duna di conoce.

- Advertisement -

DUNA COMENTARIO

Please enter your comment!
Please enter your name here