Home General Clientenan ta reclama riba forma straño con cifranan riba recibo ta somenta!

Clientenan ta reclama riba forma straño con cifranan riba recibo ta somenta!

42
0
SHARE
- Advertisement -

ORANJESTAD (AAN) – Algun ciudadano no ta mucho contento cu e calidad di recibo cu nan ta haya ora nan ta paga algun servicio, por ehemplo telefon, cable, internet, etc., y tambe ora nan haci compra den un par di supermercado Chines.

Ciudadanonan ta recomenda otro cliente/consumidornan pa saca fotocopia y pegu’e na e cobranza cu nan a cancela. E motibo ta cu e cifranan ta kita masha lihe for di e recibo. Kiermen den poco dia bo ta ripara cu no tin un recibo legible en caso cu bo mester di dje.

Un pago di telefon y demas servicio di e compania bo no ta haya seyo di paga mas riba e cobranza. Bo ta haya un papel di caha pega na e cobranza. Pero poco dia despues, no por mira cifra mas den dje. Anto, si nan manda cobra bo un biaha mas pa cualkier fout administrativo, cu sa sosode de vez en cuando, con bo por mustra cu bo a paga?

Pesey mihor cos ta saca fotocopia mesora bo por y pegu’e tambe na e cobranza.

Mescos den algun supermercado Chines. Si bo ta hiba un orden presupuestario di locual bo a gasta den un siman of un luna, pa asina saca cuenta di gasto total na final di luna y tin un aproximacion con costo di bida a aumenta den e periodo ey, pa bo ahusta bo presupuesto (awendia diferente famia ta haci esey), ora bo ta bay wak e recibonan cu como consumidor, bo a warda, no tin net nada riba e papel. E papel ta bira blanco blanco!

Ta ki sorto di tecnologia moderno esaki ta cu cifranan riba recibo ta somenta asina aki?

- Advertisement -

DUNA COMENTARIO

Please enter your comment!
Please enter your name here