Home Social Comediante Howard Komproe: “De Lulverhalen” ta un show unico

Comediante Howard Komproe: “De Lulverhalen” ta un show unico

17
0
SHARE
- Advertisement -

ORANJESTAD(AAN)– Howard Komproe ta un di e artistanan cu lo ta na Aruba, den Cas di Cultura diabierna, dia 7 di April, pa 8’or di anochi. E lo  tey hunto cu e conocido comediantenan Jetty Mathurin y Everon Jackson y e inigualabel cantante Izaline Calister.

E biaha aki nan lo bin cu The Caribbean Edition, caminda cu lo tin yen di diversion, caminda cu e organisador, Komproe, ta sinti cu mester scucha e parti masculino di henter e storia di bida.

En todo caso, Lul Verhalen no solamente ta conoci pa tin e toke di humor di e ser masculino, pero ta un formula gigantesco cu tambe ta garantisa pa un anochi fabuloso di diversion.

 

Ken ta Howard Komproe?

Howard Komproe ta un comediante Hulande di origen Surinameño, kende despues di su servicio militar, tabata kier a sigui den e mundo di comedia, despues di a mira videonan di Def Comedy Jam for di Merca. Esey e kier a haci y ya for di su 23 aña el a bay den Comedytrain y te awe.

E ta sigui conta cu na prome instante el a duda cu e lo bay logra, pero mientras tanto, ya e tin 25 aña den e carera aki.

Su yiunan semper ta su inspiracion, pa asina duna nan un miho futuro. Mientras tanto el a siña di e maestronan manera Murphy y Pryor. Dave Chapelle y Chris Rock sigur tambe ta algun di su heroenan. Sin duda, e ta haci su mes druk cu varios proyecto, cual el a comenta cu e dushi di e trabao aki ta, cu e ta hopi amplio.

Fuera di comedia regular, e ta haci di tur cos. Presenta, workshops, training, stemwerk y stel op proyectonan nobo. Y pronto, manera cu el a anuncia den un entrevista, e lo bay ta riba Youtube, como vlogger.

Ora cu papia di Aruba, mesora e ta pensa riba Zeerover, Cas di Cultura, Baby Beach y e dushi esfera relahante.

E publico presente lo bay spera un dushi anochi. Mescos cu e otro biahanan. Cu espacio pa storianan peculiar, hopi reconocimento, humor y algo mas….

Esaki ta un show unico, caminda cu bo ta mira artistanan conoci den un setting totalmente diferente. Bo ta siña conoce nan riba un manera sorpresivo y cu un tono humoristico. No lo bay tin chens pa mira esaki un biaha mas. “Esaki ta bo chens. Awo of nunca”, e comediante a conclui.

 

- Advertisement -

DUNA COMENTARIO

Please enter your comment!
Please enter your name here