Home Social Competencia di Fli gigante ta fin di e luna aki

Competencia di Fli gigante ta fin di e luna aki

35
0
SHARE
- Advertisement -

ORANJESTAD (AAN): Un biaha mas e organizacion di Sport Club United na Boegoeroei, ta preparando pa nan famoso “Kite Slam”, cu e biaha aki ta conmemora nan di 10 aniversario.  Y atrobe nan lo tin un dia cu e Flinan gigante te cu 5 meter di grandura, bulando den cielonan riba distrito di Noord.

DIARIO a compronde, cu riba Diahuebs 27 di April 2017 (cu ta Dia di Rey), lo tin evento for di 9:00 am te cu 7:00 pm.  Esaki ta pa Flinan tamaño mediano, pues categorianan C y D, di 1,55 meter te cu 3,25 meter.   Henter e dia aki lo ta patrosina pa Setar Nv.

E siguiente fecha ta Diabierna 28 di April 2017, cu evento nocturno di 7:00 pm te cu 12:00 am.  Esaki ta competencia di “Fli di Luz”, di tamaño 1,00 meter te cu 2,50 meter.  Henter e anochi aki ta patrosina pa Taco Bell.

E evento grandi mes ta Diadomingo 30 di April 2017, for di 9:00 am te cu 7:00 pm, cu Fli gigante di categorianan E y F.  Esakinan ta di 3,50 meter te cu 5,00 meter.  Henter e dia aki ta patrosina pa Aruba Bank.

E evento aki ta pa yuda e team di Sport Club United recauda fondo pa por sigui duna coaching y sosten na e diferente equipo di Futbol cu ta competi den torneonan oficial na Aruba.  Y entrante e campeonato venidero, nan lo tin un team di Futbol di Damas tambe.

Esnan cu kier inscribi, tin di tuma nota cu esaki por wordo haci Diamars dia 11, Diaranzon dia 12, y Diahuebs dia 13 di April venidero for di 6:00 pm te cu 9:00 pm, na Taco Bell Oranjestad.

 

- Advertisement -

DUNA COMENTARIO

Please enter your comment!
Please enter your name here