Cu actuacion di nos propio streanan local…
ORANJESTAD(AAN)–Despues di un anochi historico y sumamente exitoso den e amfiteatro di Ser’i Noka na Santa Cruz, e demanda pa mas concierto excelente presenta door di nos propio artistanan local a sigui halto.
Pesey mes, a anuncia e proximo gran concierto cu lo tuma lugar Diasabra dia 13 di Mei proximo na vispera di e celebracion special di Dia di Mama.
E recital musical aki, presenta pa Edjean Semeleer y su cantante y musiconan local invita manera entre otro Cesar Olarte, Yolanda van der Linde, Jossy Brokke, Stephanie Albertus, Shannon Bueno, Jonathan Croes, Romeo Kilayko, Mariachi y un señor orkesta di e mihor musiconan local, ta priminti di bira e celebracion musical mas special pa tur mama.
Fantastic Gardens ta encarga cu e reto grandioso di transformacion total di Aruba Entertainment Center, cu lo ta e anfitrion di e concierto magnifico aki.
Tur mama presente lo ta sinta den un jardin di amor, cu aire fresco, y asina hunto canta y disfruta di bon musica presenta pa nan deleite.
Pa un concierto asina, cu un balor di miles di florin, y ni papia di e balor emocional y cultural haltisimo. Pa e seccion hopi limita di VIP cu ta inclui boternan di biña na mesa.
Ta recomenda e concierto aki altamente, como e regalo perfecto pa bo mama.
Nos pueblo ta invita pa apoya nos propio artistanan y tambe pa disfruta di un otro concierto historico cu Edjean Semeleer y su artistanan invita lo regala tur nos mamanan!
