Home General Continuidad di Colegio Arubano ta sigura: tin solamente 8 vacatura

Continuidad di Colegio Arubano ta sigura: tin solamente 8 vacatura

50
0
SHARE
- Advertisement -

ORANJESTAD(AAN)– E evaluacion anual di e contratonan cu ta terminando di e personal di Colegio Arubano ta mustra cu pa e aña escolar venidero  ta solamente 8 vacatura tin disponible pa diferente materianan. Asina Raad van Bestuur (Rectorado di Colegio Arubano) ta duna di conoce.

Manera ta normal y cu ta sosodiendo desde e establecimento di Colegio Arubano, ta evalua cada contrato cu ta terminando y e contratonan temporal. E 15 contratonan pa e aña escolar cu no a keda prolonga no ta un nobedad pa Colegio . Na fin di aña escolar 2014-2015 no a prolonga 18 contrato pa diferente motibo.  Y pa fin di  aña 2015 -2016 e total tawata 9 contrato.

Den e schema adhunto ta duna un indicacion kico tabata e motibonan dicon e  contratonan pa e 15 empleadonan pa e aña escolar no a keda alarga.

Rectorado a actua fuertemente segun ley y e reglanan vigente. E decisionnan tuma ta necesario pa garantisa e calidad di enseñansa na nos scol. E proceso a keda ehecuta cuidadosamente conforme procedura normal.

E motibonan pa alarga un contrato of no, ta varia pa persona y rectorado no por bay den detaye ya cu ta trata di derecho y privacidad di e docentenan.

Conforme procedura, e advertencianan pa e 8 vacaturanan aki a keda publica na comienzo di maart. Entretanto, rectorado a haya 35 reaccion caba, mientras cu ainda e periodo pa solicita ta andando.

Scol mester percura pa continuidad y calidad di enseñansa. Tanto personal como rectorado ta haci nan mes fuerte pa mehora primeramente e resultadonan di siñamento y resultadonan di rendimento di nos scol. Traha dirigi riba resultado ta prioridad. Relaciona cu esaki, tin mas o menos 25 docente siguiendo un masterclass, unda cu despues cu nan haya nan certificado di Trainer, por train nan coleganan durante e aña escolar benidero. E proceso di enseñansa na Colegio Arubano lo haci un salto grandi padilanti: nos alumnonan lo haya enseñansa moderno, enseñansa basa riba entre otro nan mesun habilidadnan y na midi. Acerca, pa e candidatonan pa examen tin training/simulacion pa asina prepara nan miho posibel pa e examennan na caminda den mei.

Tur hende kier y ta haciendo nan maximo esfuerso pa asina haci e candidatonan fuerte pa examen final.Finalmente, nos tur ta desea pa nos tur ta orguyoso di nos scol Colegio Arubano.

- Advertisement -

DUNA COMENTARIO

Please enter your comment!
Please enter your name here