Home Social Cruz Cora proyecto “Pan y Sopi” den San Nicolas

Cruz Cora proyecto “Pan y Sopi” den San Nicolas

24
0
SHARE
- Advertisement -

ORANJESTAD(AAN)— Riba diadomingo, 2 di april, Cruz Cora Aruba a tene su prome actividad yama “Pan y Sopi” pa 2017. Esaki ta un proyecto cu ta wordo organiza hopi aña caba, pero di un manera keto den barionan di Aruba. Pa su 60 aniversario, Cruz Cora e biaha aki a dicidi di organiza esaki na un lugar central den San Nicolas y invita personanan cu tin e dificil pa acudi na YMCA San Nicolas pa asina haya ayudo. Ta importante pa bisa cu e fondonan pa e proyecto aki ta bin di e benta den su Charity Bazaar di tur luna y cu ayudo di varios persona cu a haci donacion di sopi.

Asina a logra riba diadomingo, parti 375 kopi sopi cu pan. Tambe a parti 150 pan cu hotdog na YMCA pero tambe riba caya na drogadicto ambulante.  A duna un total di 500 cup di juice.

Tambe a corta cabey gratis. A setup douche portatil y asina varios hende por a baña y despues voluntarionan a trata herida unda tabata necesario. Na mes momento, a tuma mas of menos 10 caso social.

Na final di e mainta, a hiba sopi pa varios halfway houses, Centro Colorado y drogadicto ambulante. Y a laga lunch pa YMCA Traimerdia.

Cruz Cora Aruba ta gradici tur cu e aporta na e bunita proyecto aki y tambe na cada voluntario cu a haci esaki realidad.

- Advertisement -

DUNA COMENTARIO

Please enter your comment!
Please enter your name here