Home Enseñanza Den fin di siman 71 alumno di Colegio Arubano lo biaha pa...

Den fin di siman 71 alumno di Colegio Arubano lo biaha pa Panama

153
0
SHARE
- Advertisement -

ORANJESTAD(AAN): Pamela Flanegien ta docente na Colegio Arubano y pa di 3 biaha nan ta bayendo cu un grupo di 79 persona pa Panama.

Ta 71 alumno di VWO-5 y 8 docente. Pa organiza e biahe aki nan a cuminsa desde November 2016. A organiza varios recaudacion di fondo pa asina acumula suficiente placa, aunke parti di e biahe mayornan mester a cubri y riba e manera ey a organiza e biahe.

E actividadnan di fundraising tabata entre otro un food sale. A organiza un rifa. Tambe cu e grupo a haci un servicio pa comunidad, cual ta AHATA coastal Cleaning. Tur e actividadnan aki di teambuilding cu e grupo cada biaha ta bira un unidad.

E alumnonan ta mira con importante ta cu bo tin cu traha pa bo placa y por haci’e na un manera positivo. No ta solamente pa e biahe cu lo tuma luga otro siman, pero tambe pa completa un proyecto. Diasabra nan ta sali for di Aruba y ta biaha cu mita di e grupo.

Diadomingo e otro mita lo biaha pa Panama. Dialuna entrante lo bay cuminsa cu nan programa. Panama ta un pais fantastico. Un naturalesa precioso. Ta bay hike den naturalesa, disfruta di e watervalnan. Ta bay tambe na Panama City, cual ta hopi interesante.

E tin un parti moderno y tambe tin un parti historico di e ciudad. Tambe nan lo bay Miraflores, e canal tambe nan lo bishita. Nan lo bay keda na un campamento den naturalesa y pa e ultimo parti di e biahe, nan lo bay keda un otro caminda, unda cu e Universidad di Florida ta ubica.

Eynan tin algun alumno di Colegio. Na e Universidad nan lo ricibi informacion riba e estudio y tambe un rondleiding. Nan lo drenta tambe den contacto cu e alumnonan cu ta studiando eynan. E ta un programa combina cu actividadnan educacional, naturalesa y cultura.

Tin un posibilidad pa e alumnonan bay studia na Panama. Pesey ta hopi bon pa bay cu nan na Panama, pa haya un prome impresion di e pais y tambe e biahe tey pa preparanan pa un posibel estudio eynan. Nan tin cu bay haci tur cos sin nan mayornan. Ta un siman cu nan lo bay percura pa nan mes. Asina tambe nan lo cera conoci cu nan futuro bida como studiante den exterior.

 

- Advertisement -

DUNA COMENTARIO

Please enter your comment!
Please enter your name here