Home Politica Den forma abrumador partido AVP a lansa su candidato nobo Clayton Croes

Den forma abrumador partido AVP a lansa su candidato nobo Clayton Croes

574
0
SHARE
- Advertisement -

Un hoben capaz y dinamico riba e lista victorioso

ORANJESTAD (AAN)–  Diabierna anochi , na Cas di Partido na Paradera. un multitud grandi a yega pa duna sosten na e candidato nobo di e partido Clayton Croes..

Rondona pa famia, amigo y simpatisantenan di e partido berde Clayton Croes a anuncia su candidatura oficial riba e lista victorioso. Paradera a brasa su yiu dunando e tur apoyo cu e tin mester.

Clayton ta un miembro bon conoci y stima den e bario di Paradera. E ta bin di un hogar ehemplar, yiu di Freddy y Marlin Croes y a lanta hunto cu su rumannan Clifford y Clariënne. Su mes tambe ta un tata di famia y hunto cu su pareha Ghislaine Vrolijk, ta mayornan di e bunita prinses Chloe Croes.

Na nivel profesional, Clayton tin un Master den Science Biomedical Management, Policy Analysis & Entrepreneurship y ta fungi cabalmente como director di e departamento di Gele Koorts Muskietbestrijding. Na yegada di Prome Minister Eman e hoben candidato a para hunto cu lider di AVP riba e jeep cu e bandera den man pa saluda e publico grandi presente. E grito tabata: “  E trein verde ta coriendo. No keda atras!”

Su rumannan a conta con Clayton tabata di chikito te awo.

Expresionnan cu por a tende  ayera anochi tabata: “Un yiu di Paradera e ta!!” Y den comentarionan general , cu Clayton Croes a demostra di ta un hoben profesional capaz, sigur di su mes y cu tur talento pa yuda Aruba sigui prospera.

- Advertisement -

DUNA COMENTARIO

Please enter your comment!
Please enter your name here