Home General Diabierna ta trata caso di asalto arma fatal na Wayaca

Diabierna ta trata caso di asalto arma fatal na Wayaca

337
0
SHARE
Ariba por mira e multitud pafo di e cas unda e atraco fatal a socede. Abao por mira e Pickup di e Chines di fabrica di ijs.
- Advertisement -

ORANJESTAD (AAN): Diabierna mainta e dos sospechosonan, e Chines P.F. y e Boneiriano J.E. mester presenta dilanti Hues pa duna cuenta pa e lamentable asalto arma na Wayaca, caminda un dama Chines a worde tira mata y su casa herida.

Ta asina cu e Chines P.F. (conoci pa e fabrica di ijs), ta famia di e victima.

Na Januari 2017 e sospechosonan a presenta den Corte pero e caso tabata pro forma. Den sala di Corte por a mira familiarnan di e victima, e yiu homber tabata presente. Por a mira tambe presencia di agentenan di Polis. Por a mira cu tur dos sospechoso a presenta den Corte cu man y pianan geboei. E boeinan di man a worde kita ora nan a sinta pero esnan di pia a keda.

ASALTO ARMA FATAL

E acusacion cu Fiscal a presenta ta, cu P.F. y J.E. hunto riba 13 September 2016 a tira mata e dama Chines durante un asalto arma na Wayaca. Fiscal a bisa cu a tira e dama Chines den cabez. Nan a bay cu un suma di placa, un cadena, telefonnan y un auto.

SOSPECHOSO FAMIA A TRAHA PLAN

Ademas Fiscal ta acusa nan di a purba mata e casa di e dama y e yiu di e dama victima. El a bisa cu a tira den direccion di nan curpa. Fiscal a sigui bisa cu P.F. ta worde acusa di complice di a suministra informacion y a planea e asalto arma.

Na Januari 2017 e caso a worde pospone riba peticion di Fiscal cu a bisa cu e caso ta pro forma. Esaki pasobra Instituto Forense na Hulanda (NFI) tabata haciendo investigacion y tambe a pidi psicologo pa evalua e sospechoso J.E.

No ta sigur si Diabierna mainta e tratamento ta tuma lugar. E palabracion ta cu mayan mainta lo bay mira con leu e investigacion ta y su e abogadonan lo ta desea mas investigacion.

DIARIO lo informa lectornan kico tur ta sosode den Corte.

 

- Advertisement -

DUNA COMENTARIO

Please enter your comment!
Please enter your name here