Home Cultura Diadomingo awor tin un atardi cu musica di antaño y awor

Diadomingo awor tin un atardi cu musica di antaño y awor

56
0
SHARE
- Advertisement -

ORANJESTAD (AAN): Diadomingo awor tin un actividad interesante, na beneficio di Asistencia Social San Nicolas.  E ta un “Atardecer cu musica di antaño y di awo”.

Dia 23 di april benidero amantenan di muziek  por disfruta di un dushi atardi musical den e sala  chikito di Cas di Cultura. E programa ta den man di  Livio Hermans.

E programa ta consisti di dos parti. Prome cu pausa Livio lo toca musica clasico y di algun compositor entre otro di Corsou. Despues di pausa nos por gosa di muziek di diferente compositor di Aruba. Lidwina Booi y Igmar Maduro tambe lo interpreta diferente cantica.

Musica di siglo 18 (e.o. menuet (Boccherini, Mozart) y di siglo 19  mazurka y wals (Chopin), di siglo 20 muziek di Venezuela, Corsou y di ARUBA (e.o. Oswald Wever, Rufo Wever, Padu Lampe).

Ora Livio a haya sa di e trabao cu Zuster Graciela ta haci pa yuda esnan den necesidad, especialmente na San Nicolas, el a dicidi di organiza e atardi aki pa asina e y nos indirectamente por yuda zuster Graciela cu su bunita trabao.

E atardi ta cuminsa 5.00 y entrada ta 25 Florin pa persona. Carchi ta obtenibel for di 4.30 na entrada di e sala na Cas di Cultura. Nos ta invita henter pueblo di Aruba pa bin presencia e bunita concierto aki.

- Advertisement -

DUNA COMENTARIO

Please enter your comment!
Please enter your name here