Home General Dialuna tur Gasoline Station y tambe Supermarket mester ta cera

Dialuna tur Gasoline Station y tambe Supermarket mester ta cera

1058
0
SHARE
— Tur pompstation cera Dialuna.
- Advertisement -

ORANJESTAD (AAN): E ta poni den ley, y tin di cumpli cune. Ya caba pueblo a costumbra, cu di tur e dianan di fiesta den henter aña, esun di “Dia di Obrero” ta esun mas estricto.

Pesey mes, relaciona cu celebracion di Dia di Obrero, Dialuna awor 1 di Mei, tur pompstation ta cera.  Esey nifica, cu tur hende tin di yena e tanki di nan Auto, Truck, Taxi, Autobus, y Boto cu gasolin of diesel na tempo.

E compania FMSA (“Fuels Marketing & Supply Aruba”) mes a emiti un boletin, mustrando cu Dialuna ta tur stacion di gasolin lo ta cera, manera ta custumber caba.

Pa e stacionnan cu ta opera 24 ora pa dia, esey ta encera cu Diadomingo anochi ora cu 12:00 am bati, nan lo cera. Dialuna lo keda cera, y habri bek te Diamars mainta 6:00 am.

MALL TAMBE MESTER KEDA CERA

Autoridad lo bay ta controlando Dialuna tambe pa mira cu tur compania ta cumpli cu e ley y e vergunning cu nan tin.  Esey ta inclui tur Supermarket, tur Minimarket, tur Pacus, Beauty Shop, Barberia, etc.

Unico lugar cu por keda habri, ta negoshinan cu ta cay bao di Hotel.  Nan ta uniconan cu ta exonera di e ley, y nan si por keda habri dentro di e Hotel.

Esaki ta inclui e Mall pega na Renaissance, pasobra e ta wordo considera “perteneciente” na e Hotel.  Tin hasta un Landsbesluit riba e asunto ey.

Pero e otro Mallnan no por habri riba Dialuna 1 di Mei.  Por ehemplo ni Paseo Herencia Mall, ni The Cove, ni Palm Beach Plaza, ni La Herencia, ni Royal Plaza Mall, etc.  Pasobra nan no tin un Hotel “conecta cu nan”.  E ta inclui tambe e Garoshinan cu lo ta bende producto anochi riba acera dilanti Mallnan.  Nan tampoco no mag di habri.

POLIS LO CONTROLA Y REPARTI MULTA

DIARIO a haya sa, cu comerciantenan cu tribi di habri, of hasta esnan cu ta purba na bende cosnan scondi, si acaso nan wordo atrapa, lo haya un Procesverbaal cu tur e consecuencia cu esaki por tin den futuro.

Ya caba tur aña, riba 1 di Mei, ta hopi ciudadano ta core yama Polis na telefon 100 pa duna tip unda tin negoshi habri, di comerciantenan cu no ta cumpliendo cu ley.  Por spera cu Dialuna esey lo ta e caso atrobe.

DIARIO ta desea pueblo, un feliz Dia di Obrero.

- Advertisement -

DUNA COMENTARIO

Please enter your comment!
Please enter your name here