Home Salud Dos hende muher na estado tin Zika y lo monitor nan situacion

Dos hende muher na estado tin Zika y lo monitor nan situacion

75
0
SHARE
- Advertisement -

For di Diabierna a constata cu por papia di un epidemia di Zika

ORANJESTAD(AAN): Durante un conferencia di prensa, Director di Directie Volksgezondheid Drs. Jerry Staring a papia tocante e ultimo desaroyonan riba e malesa Zika.

El a bisa cu aki aya el a tende algun speculacion riba Zika y cu e lo duna un splicacion riba dicon cierto datonan a wordo duna y cierto datonan no a wordo duna.

“Riba e pregunta si nos ta den un ‘outbreak’ pa loke ta Zika? Si nos ta den un outbreak!”.

Esaki segun Staring, kende a sigui bisa cu ta hopi importante si pa tene cuenta cu e hecho cu ta papiando di un epidemia a base di e ‘standardnan’ internacional.

El a sigui bisa cu tin cierto reglanan cu ta determina na ki momento bo por papia di un epidemia.

“Nos a haya confirmacion for di siman pasa y nos a tuma nos medidanan”, segun e director.

Hopi biaha ta tarda un tiki pa por constata esaki, pasobra despues di ricibi melding di docternan, parteranan y eerste hulp, ta dura por lo menos dos siman pa confirma si enberdad ta trata di Zika of no.

Pues dos siman despues, por bisa cu dos siman prome tabata tin un epidemia.

“Desde aña pasa November nos ta bezig cu nos plan nacional, nos a ‘step up’ nos accionnan, nos a comunica cu nos partners y nos ta bezig henter aña cu sector hotelero, cu un programa cu yama ‘mosquito free hotels’, unda cu nan ta wordo certifica”.

Esaki segun Staring, kende a sigui bisa cu a hasi inversionnan pa tin mas capacidad pa loke ta spuit contra sangura rond di Aruba.

Mas hende di Gele Koorts Muskieten Bestrijding (GKMB) a wordo uza y pa mas ora.

Tambe pafo di oranan normal.

“Nos a trata e situacion manera cu tin un situacion hopi serio”, segun e director, kende a sigui bisa cu Diabierna siman pasa e outbreak a wordo confirma.

Prensa a puntra Staring cuanto hende muher na estado a wordo diagnostica cu e virus di Zika.

Staring a indica cu tin 7 hende muher na estado di cual e sospecho ta existi cu nan tin Zika, mientras cu 2 di e 7 muhernan aki a wordo confirma di tin e virus.

Nan ta cay den e ‘protocol di embarazo’, cu a wordo crea cu ayudo di e Ginecologo y Parteranan.

Segun e protocol, lo monitor e señoranan durante y despues di nan embarazo.

- Advertisement -

DUNA COMENTARIO

Please enter your comment!
Please enter your name here