Home Estilo E Beneficionnan di Gratitud – drs. Marisol M. Krosendijk, sicologa

E Beneficionnan di Gratitud – drs. Marisol M. Krosendijk, sicologa

65
0
SHARE
- Advertisement -

Gratitud ta un emocion expresando aprecio pa locual bo tin- al contrartio di, por ehempel, un enfasis di consumirismo encuanto locual bo kier. Gratitud ta hayando hopi atencion como un faceta di sicologia positivo. Estudionan ta mustra cu nos por cultiva gratitud deliberadamente y nos por aumenta nos bienestar y felicidad dor di hasi esaki. Ademas, gratitud, y especialmente e expresion di esaki na otro- ta asocia cu aumento den energia, optimismo y empatia.

E Poder di un Curason Agradecido

Aprecia otro mas, estudio ta mustra, ta conduci na, mihor y mas aprecio.

Nos hopi biaha no ta refleha riba cosnan cu nos ta agradecido pe. Asina ta cu kizas e ta e tempo adecua pa dedica na e importancia di gratitud- especialmente e sentimientonan di gratitud, den nos relaccionan mas serca y personal.

Nos tipicamente ta defini gratitud manera un estado emocional cu nos ta experiencia ora un hende intencionalmente ta provee nos cu un cierto beneficio of resultado positivo ((McCullough, 2001, manera cita den Algoe & Zhaoyang, 2015). Esaki por pasa ora un hende ta hasi nos un fabor of simplemente ta ofrece un acto di amabilidad inespera. Gratitud ta, generalmente poni, e calor y positividad cu nos ta sinti pa cu e persona ey.

Historicamente, investigadornan ta kere cu e funcion evolutionario di gratitud-e razon cu e ta algo cu nos ta sinti-ta tocante e recompensa. Nos ta sinti gratitud pa asina, den futuro, nos por yuda e persona cu a yuda nos, pues yudando gran parti di sociedad pa funciona sin problema (McCullough, 2001, manera cita den in Algoe & Zhaoyang, 2015).

Sin embargo, investigacion reciente a determina cu gratitud pa cu e parehanan di nos relacionnan mas serca ta sirbi e proposito adicional di yuda fortalece e lasonan ey (Algoe, 2012). Specificamente, gratitud ta sirbi nos pa yuda nos ripara y atende na e comportaccionnan positivo y responsivo cu nos sernan keri ta hasi pa cu nos. E por ta un momento cu bo pareha romantico a cushina paso e tabata sa cu bo ta gestress, of ora cu bo ruman a yama pa wak con ta bai cubo, of cu bo amigo a mandabo un regalo chikito…djies paso. Tur comportacion cu nos ta wak como respuesta na nos necesidadnan, cu otro hende serca a hasi a proposito, por promove sentimientonan di gratitud (e.g., Algoe, 2012; Algoe, Haidt, & Gable, 2008).

E sentimientonan aki, na nan turno, ta promove e bienestar di nos relacionnan.

Den contextonan romantico, sentimientonan di gratitud pa cu un pareha tabata precedi individuonan cu tabata sinti mas conexion y satisfaccion den nan relacion e siguiente dia (Algoe, Gable, & Maisel, 2010). Asina ta cu un actitud di gratitud no solamente ta sinti bon pa nos individualmente pero tambe por beneficia nos relacionan.

Sin embargo, promer nos core y cuminsa diseña intervencionnan cu ta promove gratitud den relacionan, nos mester compronde mihor con sinti gratitud ta promove relacionan saludabel. Kico ta e mechanismo dor di cual e asociacion ki ta funciona? Mas aleuw, nos mester compronde ainda mas si promove gratitud semper ta asocia cu resultadonan positivo-e relacion por ta mas compleho cu nos ta realiza.

Specificamente, un estudio largo reciente tawata asigna parehanan romantico random pa of activamente expresa gratitud pa e accion di nan parehanan tur dia pa un luna, of no. E investigadornan a haya, cu den e grupo di gratitud ey, participantenan kende nan parehanan tabata altamente responsivo na nan necesidadnan durante un sesion di intake tabata mustra bienestar personal y relacional mas halto na final di e estudio, compara cu esnan den e grupo di control. Al contrario, participantenan di kende e parehanan tabata abou den nan grado di respuesta durante e sesion di intake no a mustra e beneficio aki (Algoe & Zhaoyang, 2015). Pues, kizas dor di puntra individuonan pa focus riba motibonan cu nan ta agradeci pa nan pareha solamente ta duna resultado ora nan pareha ta responsivo-dus dunando nan motibo pa ta agradeci.

E beneficionan di practica gratitud ta innumerable. Hendenan cu regularmente ta practica gratitud dor di tuma tempo pa notifica y refleha riba e cosnan cu nan ta agradeci pe, ta experiencia emoccionnan mas positivo, ta sinti mas bibo, ta drumi mihor, ta expresa mas compasion y generosidad, y tambe tin sistemanan inmunologico mas fuerte. Y gratitud no mester wordo reserva solamente pa ocasion nan momentario: Sigur, bo por expresa gratitud ora bo ricibi un promocion na trabou, pero tambe bo por ta agradeci pa un pida bolo. E sicologo Robert Emmons, e autor di e buki Thanks!: How the New Science of Gratitude Can Make You Happier, ta mustra cu simplemente tin un journal di gratitud-regularmente skirbi reflexionnan riba momentonan pa cual nos ta agradeci-por significativamente subi bienestar general y satisfaccion den bida.

E mihor manera di recoge e beneficionan di gatitud ta pa notifica e cosnan nobo cu bo ta agradeci pe tur dia. Tene un diario di gratitud, skirbi tocante e cosnan cu bo ta agradeci pe ta traha pasobra gradualmente e ta cambia e manera cu nos ta percibi situacionnan dor di ahusta locual nos ta focus riba dje. Mientras kizas semper bo ta agradeci pa con great bo famia ta, djes skirbi “Mi ta agradeci pa mi famia” siman tras di siman no ta hasi bo cerebro alerta pa momentonan nobo pa ta agradeci. Bira specifico dor di skirbi “Awe mi casa a nami un masashi ora mi tabata realmente gestressed” of “Mi ruman a invitami pa come pa asina mi no mester a cushina despues di un dia largo.” Y tin sigur di strech bo mes y durf di wak mas aleuw cu e cosnan bon dilanti bo. Dor di habri bo wowonan pa mas di e mundo rond di bo bo por mehora bo practica di gratitud. Hasie un wega pa notifica cosnan nobo tur dia.

Ta excita tocante e beneficionan di gratitud por ta un gran cos pasobra e ta duna nos e empuhe cu nos mester pa cuminsa hasi cambionan.

Pero si nos excitación encuanto drumi mihor danki na nos gratitud nobo ta tene nos di anticipa con cansa nos lo ta mañan anochi ora nos ta purba skirbi den nos diario, nos lo probablemente perde e momento. Ora nos kier logra un meta, usando e technica di contraste mental-ta optmista tocante e beneficionan di un habito nobo mientras bo ta realista tocante con dificil e ta pa crea e habito ey- ta hasi cu nos ta forza hasi mas esfuerzo. Reconoce y planea pa e obstaculonan cu por bin den caminda. Por ehemplo, si bo tin e tendencia di ta cansa anochi, accepta cu porta e no ta e mihor momento pa bo focus pa un par di minuut extra y mihor schedule bo gratitud pa mainta e ora.

Hasi gratitud agradabel dor di mix e

For di un estudio di motivacion intrinsico, cual ta e deseo profundo pa persisti riba un trabou. Un di e determinantenan mas grandi ta autonomia, e abilidad pa hasi cosnan manera nos kier. Asina ta no limita bo mes-si wanta un diario no ta sinta bo, purba maneranan nobo y creativo pa tene bo mes al tanto di momentonan cu bo ta agradeci. Tin hende ta traha un boter di gratitud. Cada bez cu e experiencia un momento importante di gratitud, e ta skirbi esaki riba un papel y ta pone den e boter. Riba aña nobo e ta hasi e boter aki bashi y ta pasa riba tur cos cu el a skirbi. Ora algo bon pasa e ta bisa “Esey ta pa e boter di gratitud!” Inmediatamente e ta hasi e momento mas significativo y ta hasi cu nos ta pendiente pa mas.

Ta social tocante bo practica di gratitud

Nos relacionnan cu otronan ta e determinante mas grandi di nos felicidad. Asina ta cu e ta tin sentido pa pensa riba otro hende ora nos ta traha na construi nos gratitud. Robert Emmons ta sugeri cu dor di focus nos gratitud riba hendenan pa kendenan nos ta agradeci enbes di riba circunstancianan of material, esaki lo engrandece e beneficionan cu nos ta experiencia. Y mientras cu bo ta bezig cu esaki, dicon no inclui otronan directamente den bo expresion di gratitud? Un actividad por ta skirbi un carta di gratitud pa un hende cu a hasi un impacto riba bo y cu bo no a bisa danki adecuadamente. Tambe kizas bo por comparti momentonan pa cual bo ta agradeci rond di e mesa di come. E combersacionnan cu ta sigui por kizas nabo aun mas motibo pa bisa danki.

Recordatorio di dia: E vibracion di gratitud ta atrae mas cosnan positivo den bo bida. Ora bo gradici pa e cosnan chikito den bida, bo bista riba cosnan ta cambia y oportunidadnan ta parce aparece tur caminda. Un momento di gratitud ta hasi un diferencia den bo actitud. No ta hendenan alegre ta esunnan cu ta gradici, sino ta hendenan agradeci ta esunnan alegre!

- Advertisement -

DUNA COMENTARIO

Please enter your comment!
Please enter your name here