Home Noticia Internacional E bida diario na Venezuela ta un bataya riba su mes

E bida diario na Venezuela ta un bataya riba su mes

338
0
SHARE
- Advertisement -

ORANJESTAD (AAN)— Carlos Garcia Rawlings di Reuters, ta brinda su lectornan internacional un retrato bibo di loke ta wordo biba na Venezuela actualmente, y cu ta hopi desalentador.

E articulo a sali publica Diadomingo 23 di April, y e ta splica cu Caracas a bira un “Roller Coaster” unda cruza e capital ya pa tres siman consecutive ta un scenario di protesta di oposicion, cu ta demanda eleccionnan y ta pidi Gobierno di Nicolas Maduro pa cumpli cu e derecho aki cu pueblo tin.

E ta manera un biahe atravez di mundonan parallel, visionnan oponi na e realidad y disfuncion locual ta ilustra e bida di tur dia di mayoria di e Venezolanonan.

Sakeo den supermercadonan:

Garcia a constata con e habitantenan di Petare, un di e barionan di mas humilde y insigur di e pais, ta acudi na e mercado na mitad mainta, unda mas tanto nan ta bende fruta y algun berdura, unda e puestonan di benta mihor abastece ta tras di trail di seguridad, y tur dia tin rijnan largo pa cumpra pan y algun otro producto basico. Tin negoshi unda mester respeta reglanan manera cu no por adkiri mas di cuater paki di aroz, cuater paki di sucu, y cuater boter di azeta dushi.

Dialuna siman pasa, hopi hende a haya mas conveniente pa busca alimentonan premirando e manifestacion di diaranzon 19 di April cu oposicion a considera “e mama di tur e marchanan”.

Un saco di aroz a costa 4.700 bolivar cu ta ekivale na un dollar, pero cu a wordo triplifica den reventanan illegal cu na Venezuela nan ta yama bachaqueo. Den e gasoline station di e barrio 20 liter di gasoline nan tabata bende pa algun cent di dollar.

Garcia ta sigui splica cu Venezuela, un pais productor di crudo cual economia ta depende di e prijs di crudo, ta wordo suta ademas pa un hiperinflacionismo dramatic. IMF ta calcula cu e prijsnan lo subi na mas di 1.700 porciento den dos aña.

Ironia ta cu mientras den e centro comercial de Tolon, den e urbanizacion Las Mercedes ta exhibi tiendanan di firmanan di marca di luho, unda un blusa ta costa mas di tres salario minimo cu ta 40 mil bolivar (menos cu diez dollar), e habitantenan di Caracas no ta logra haya remedi, bruki pa baby tampoco den ningun botica.

“E pueblo ta morto di hamber, Ismal Garcia, un politico veterano ta expresa” y ta trata aki di un politico cu a apoya Hugo Chaves y cu awor ta diputado di oposicion den e Mesa di Unidad Democratica. “Nos mester lucha pa nos pueblo Venezolano por expresa su mes” Ismael Garcia ta demanda.

Matutino DIARIO lo sigui elabora riba e articulo aki, cu ta aporta hopi mas informacion cu sigur ta wordo blokia den noticieronan for di Venezuela.

- Advertisement -

DUNA COMENTARIO

Please enter your comment!
Please enter your name here