Entrante Diahuebs lo bay cuminza bishita cas di hendenan cu no a reacciona riba yamada di Censo

    286
    0
    SHARE
    - Advertisement -

    ORANJESTAD (AAN): Den cuadro di e proyecto Opschoning Bevolkingsregister, den encargo di Censo, CORE N.V. lo haci bishita di cas na personanan cu tin duda cu ta biba na Aruba y cual no a reacciona tampoco na niun di e yamadanan por medio di carta y medianan di comunicacion.

    E bishitanan aki lo tuma lugar entre dia 6 di april te cu dia 21 di april 2017.

    CORE N.V. a tuma e siguiente pasonan caba pa drenta den contacto cu e personanan aki: den e periodo december 2016 – mitar di januari 2017 un carta di yamada a worde manda na e adres di e personanan concerni y den maart 2017 a publica ID-number di e personanan aki den medionan di comunicacion y riba website di Censo. E personanan aki a worde yama pa controla si di berdad nan ta biba na Aruba y riba e adres registra na Registro di Populacion (bevolkingsregister).

    Como di tres y ultimo paso, CORE N.V. en cooperacion y asistencia di CBS Aruba, lo bishita cas di esnan cu no a reacciona riba e carta of riba e publicacion di ID-number den medionan di comunicacion y riba e website di CENSO.

    Nos representantenan lo bishita alrededor di 5050 adres den e periodo entre dia 6 di april te cu dia 21 di april 2017 pa asina controla e residencia real di aproximadamente 7979 persona. Nos ta pidi tur hende cu ta ricibi un representante di e organizacion na cas, pa duna tur cooperacion necesario na e proyecto aki.

    Cada representante di nos organizacion lo tin un badge di identificacion cu su potret, nomber y fam riba dje y tambe informacion di e empresa CORE N.V. Ademas, tur representante lo tin un carta cu informacion tocante e proyecto aki hunto cun’e.

    Si acaso nos representante a pasa na un momento cu e persona indica no ta na cas, lo laga un carta p’e. Nos ta pidi e persona concerni, pa por fabor sigui e instruccionnan den e carta, ya cu esaki por tin consecuensia pa bo registracion den Registro di Populacion. E doño of habitante di cas tambe por tuma contacto cu CORE N.V.

    Ta hopi importante pa pais Aruba dispone di un Registro di Populacion corecto y confiabel. Cada ciudadano ta obliga pa ley pa duna Censo datonan corecto pa asina mantene e Registro di Populacion corecto y actual.

    Hunto nos tur ta responsabel pa un bevolkingsregister corecto y confiabel pa asina garantisa sostenibilidad di nos fondonan social.

     

    - Advertisement -

    DUNA COMENTARIO

    Please enter your comment!
    Please enter your name here