Home Economia Ernst Mohamed: KvK ta focus pa diversifica economia, pero mester haci’e...

Ernst Mohamed: KvK ta focus pa diversifica economia, pero mester haci’e sostenibel y prudente

52
0
SHARE
- Advertisement -

ORANJESTAD     (AAN):  Presidente di Camara di Comercio Ernst Mohamed den entrevista cu DIARIO a laga sa cu nan a reuni cu Gobierno relaciona cu e desaroyo di nos economia.

El a bisa cu nan interes como KvK ta pa laga comercio crece. Door di diferente punto cu nan a discuti cu IMF bo por crece bo economia y cu diferente programa tumando lugar por sigura e crecimento.

Mester ta cauteloso y no bay crece pa loco y satura e mercado cu yen tipo do negoshi. Mester haci e mercado sostenibel y haci’e prudente, a bisa.

“Nos focus ta pa nos diversifica economia. Bo tin cu bin cu ideanan nobo, bo tin cu bin cu businessnan nobo, cu cosnan fresco pa bo economia crece of bo tin cu bin cu negoshinan cu ta eficiente”, Mohamed a subraya.    Banda di esey el a splica cu e e-commerce ta bay bira parti grandi di nos economia.

KvK ta ofrece cursonan pa e empresarionan y ta duna advies pa lanta un negoshi nobo. Awor tambe nan ta traha den e parti di educacion. Hunto cu Qredits, Departamento di Enseñanza pa zorg pa e parti di entrepreneurnan ta bin den e curiculum di scolnan.

E presidente di KvK a señala cu ta importante pa e muchanan for di chikito caba cuminza haya e confianza con pa rond un negoshi. Pasobra esey no tin aworaki. Lo tin hopi mucha cu yen di idea bon, yen gana, pero hopi biaha, e conocimento y confianza con pa busca financiamento no tey. Den esaki Camara di Comercio su rol ta integral, Mohamed a bisa.

- Advertisement -

DUNA COMENTARIO

Please enter your comment!
Please enter your name here