Home Noticia Internacional Gobiernonan a pidi a Maduro pa fiha eleccion na Venezuela

Gobiernonan a pidi a Maduro pa fiha eleccion na Venezuela

83
0
SHARE
- Advertisement -

MEXICO—- Mas di un decena di gobierno latinoamericano a pidi president venezolano Nicolas Maduro pa convoca eleccion pa resolve e crisis den e pais petrolero, unda protestanan a laga te awor casi 10 morto y decenas di heridos y detenidos.

Jorge Rodrigues (foto) cu a duna di conoce di ta e hefe di la Delegacion di Gobierno den e conversacionnan cu oposicion durante reunionnan secreto pa yega na dialogo, a anuncia ayera cu el a papia cu  e ex presidentnan compañante y cu dirigentenan di oposicion (cu el a prefera di no nombra) pa sigui conversa  yega na dialogo cu  “Mesa de la Unidad Democrática” (MUD).

El a asegura cu oposicion venezolano semper ta busca na genera hechonan violento durante nan movilizacionnan “y no ta respeta e rutas cu anteriormente a keda estableci”.

Mientras tanto, Argentina, Brasil, Chile, Colombia, Costa Rica, Guatemala, Honduras, Mexico, Paraguay, Peru y Uruguay a firmaron un comunicado para lamenta esnan fayeci den e oleada di marchanan antigubernamental cu a sacudi e nacion caribenjo, golpea pa un grave crisis economico y social.

“Nos ta pidi gobierno di Republica Bolivariana di Venezuela pa rapidamente defini fechanan pa cumplimento cu e cronograma electoral cu ta permit un solucion pronto di e crisis grave cu Venezuela ta biba aden y cu ta preocupa e region” segun e comunicado difundi pa varios canciyer latinoamericano…

E paisnan a pidi gobierno y tambe oposicion venezolano pa mantene paz awe ora cu e faccion di cada un sali riba caya den un ambiente di tension halto despues di lunanan di escases grandi di cuminda y remedi, un inflacion descontrola y un violencia politico creciente.

“Nos ta haci un yamada riba gobierno di Venezuela pa garantiza derecho di manifestacion pacifico, manera constitucion ta consagra (…) . Ademas nos ta haci un yamada pa oposicion eherce cu responsabilidad su derecho “, e comunicado a agrega.

Oposicion ta acusa  Maduro di ta “un dictador” cu ta controla tribunalnan y cu a usurpa poder di legislativo  pa impone un agenda socialista cu ta hibando e pais cu reservanan mas grandi di petroleo crudo na mundo den ruina.

Maduro, kende su popularidad a cay masha hopi desde cu el a asumi poder na 2014a adverti cu su adverdsarionan ta “traidornan” cu ta busca un intervencion military stranhero y e ta culpa Merca di ta promove e recesion profundo cu “un guera economico” contra su revolucion bolivariana autoproclama.

Aunki e presion internacional ta crece, e successor di e fayecido Hugo Chavez ainda ta conta cu apoyo di varios aliado den Caribe, ademas di Cuba, Ecuador y Bolivia cu ta opone sancion di Organizacion di Estadonan Americano (OEA)Enrique Andres Pretell na San Jose; Reporte adicional di Malena Castaldo na Montevideo y Otaloa na Buenos Aires , edita pa Rodrigo Charme.

 

- Advertisement -

DUNA COMENTARIO

Please enter your comment!
Please enter your name here