Home Noticia Internacional Gran musico Martín Elías a muri di accident di auto

Gran musico Martín Elías a muri di accident di auto

2953
0
SHARE
Martín Elías ta yiu homber di Diomedes Diaz.
- Advertisement -

ORANJESTAD (AAN): E yiu homber di Diomedes Diaz, a caba di perde su bida Diabierna na Colombia.  E tambe a fayece un dia despues di a duna un gran concierto.

Asina destrui e SUV a keda. Potret cortesia Intervallenato.

E cantante di vallenato Martín Elías Díaz Acosta a fayece Diabierna merdia, despues cu el a sufri un accident di auto moviendo na Colombia for di Coveñas pa Valledupar den un vehiculo tipo SUV.  El a sali for di un concierto na Coveñas cu a finaliza pa 6:30 am, y e accident mes a socede pa 7:30 am na altura di Aguas Negras.  Muy probablemente un wiel a rementa, y esey a pone cu e chofer di auto a perde control.  E SUV a cuminza bolter varios biaha, y aunke e vehiculo tin airbags dilanti y tambe na banda, parce cu e artista a wordo lanza for di SUV.

Potret cortesia Intervallenato.

Den e auto tabatin cuatro hende mas, y nan a resulta herida tambe pero no mucho grave.

“El Gran Martín Elías” a haya cap na cabez, y el a haya golpi na su pulmon, y cinco biaha el a stop di hala rosea.  Pesey Docternan mester a bay opera mesora, y despues a pone den Unidad di Intensive Care.  Sinembargo su curpa a perde e bataya, y e cantante di 26 aña di edad a fayece.

Su crew na yoramento pafo di clinica. Potret cortesia Intervallenato.

Martín Elías a yega di duna concierto na Aruba tambe, unda e tin un fanaticada grandi.  Un tristeza enorme ta reina e momentonan aki rond Colombia, como tambe riba e isla aki.

E tin total di 16 aña den mundo di farandula, y lo mas peculiar ta cu su tata Diomedes Diaz, tambe a fayece despues di a duna concierto.  Condolencia na su famia y fanaticonan.

- Advertisement -

DUNA COMENTARIO

Please enter your comment!
Please enter your name here