ORANJESTAD(AAN): Diabierna a tuma lugar Ground Breaking pa e proyecto di Watty Vos Boulevard, cu ta bay wordo desaroya pa e compania MONTAENGIL.
Durante un conferencia di prensa, e project manager Joao Campos Forte a gradici Gobierno di Aruba y D.OW pa nan cooperacion y e oportunidad pa traha aki na Aruba.
Minister di Infrastructura Benny Sevinger tambe a hiba palabra.
E mandatario a indica cu esaki ta un proyecto importante pa nos pais.
“Un proyecto riba e lista di e Gobierno aki Mike Eman 1, Mike Eman 2, ta un di e proyectonan mas importante cu nos a pone como meta pa realiza”.
“Na e momentonan aki si bo bay San Nicolas of bo ta bin for di San Nicolas, bo ta wak cuanto ora un ciudadano ta pasa den fila pa por yega su trabao of atardi bay su cas”.
Sevinger pesey a bisa cu nos tur por compronde cu e proyecto aki ta bay duna e persona ey mas espacio pa e por comparti cu su famia, na momento cu e proyecto aki ta cla.
“E ta yega mas lihe su cas, e ta yega mas safe su cas y e por comparti cu su famia”, segun e minister.
Riba e proyecto ta bay tin tambe un fietspad y areanan pa recrea, unda cu bo por core bicicleta for di San Nicolas te cu Arashi ora proyecto aki ta cla.
“Nos por bay cana, nos por bay jog y e ta bay tin mihor seguridad den e barionan, na momento cu e proyecto aki ta cla”.
Esaki segun e mandatario, kende a sigui bisa cu e proyecto aki no ta bin sin su retonan.
E proyecto ta bay dura alrededor di 2 aña y mey pa wordo completa y e ta bay costa Aruba alrededor di 400 miyon florin den 18 aña.
Pakiko un compania di afo? Nos mes un hendenan ta wordo neglisha. Chupa nos placa y hasi mal trabow.Aruba stand up .
Simplemente pasobra nos companianan no kier bai den of coordina un Private Public Partnership Priject