Home Policial Homber di 26 aña sospechoso di a tene relacion cu mucha muher...

Homber di 26 aña sospechoso di a tene relacion cu mucha muher di 12 aña

1905
0
SHARE
- Advertisement -

JZP ta investigando caso:

ORANJESTAD    (AAN): Informe a drenta cu e homber Omar Gomez di 26 aña ta un sospechoso aworaki y ta sera. A base di un investigacion di e Departamento di Jeugd en Zeden Politie a pone cu a haya ordo di fiscal di Ministerio Publico pa detene.

E ta wordo sospecha di a tene relacion sexual cu un mucha di 12 aña cu mientrastanto tin awor 13 aña. E sospechoso mes ta un hende cu ta traha riba boto.

Pa algun tempo caba e mayornan di e criatura a entrega keho. E no ta un caso di rape pero si ta castigable mirando cu ta un menor di 12 aña teniendo relacion cu un adulto di 26 aña.

Parce cu e sospechoso despues cu tin keho entrega, ta para ariba cu e no conoce su victima mes. Mientras cu tin varios declaracion haci den su contra, e sospechoso ta keda para ariba cu e no conoce e damita di 13 aña.

E sospecho parce a cuminsa ora cu e mucha tabata yega un tiki mas laat cu custumber for di scol. Asina a bin saca afor cu e tabata wordo molestia of tabata den compania di e homber di 26 aña cu awor mester bay responde pa drumi cu e mucha di 12 aña. Keda nenga kizas no tur ora ta un opcion pa bo sali liber di un caso di abuso sexual cometi contra un menor.

For di bon fuente den cuerpo policial por a saca afo hasta cu tin basta caso di e tiponan aki pa atende. Esnan cu kere cu e casonan aki ta bay den doofpot ta robez. Cada caso lo haya su atencion na su debido tempo.

Door cu tin basta caso di abuso pa atende, tin algun retraso pero ningun ta bay den doofpot. E departamento di Jeugd en Zeden Politie ta atende hopi biaha casonan di urgencia manera un violacion of rape unda mesora e victimanan ta yega pa un keho.

E casonan unda un adulto a drumi cu un menor y no ta trata di un rape, eseynan ta haya cierto retraso pero nan no ta wordo lubida. Ehempel ta esun di e caso aki caminda e sospechoso Omar Gomez ta sera.

Mescos tabata tin un caso similar unda un DJ tambe tabata envolvi y a wordo sentencia. E caso aki tambe a tuma su tempo pero na final e sospechoso a wordo presenta te dilanti mesa berde.

Muchanan pa diferente motibo ta laga nan curpa wordo usa pa hombernan di mas edad. Tin biaha e material ta pone e muchanan haci tipo di actonan asina.

 

 

- Advertisement -

DUNA COMENTARIO

Please enter your comment!
Please enter your name here