Home Hudicial Hues a impone castigo di 10 aña pa muher Chines cu a...

Hues a impone castigo di 10 aña pa muher Chines cu a mata Director di Serlimar

561
0
SHARE
- Advertisement -

ORANJESTAD (AAN): Manera cu Fiscal a exigi, asina mes Hues den Corte di Prome Instancia a duna sentencia!  Diez aña di prison pa e muher Chines di inicial T., kende a hinca y mata e Director di Serlimar, R. Fingal.

Na opinion di Hues y Corte di prome Instancia, no a considera “Noodweer/Noodweerexcess” den caso di e asesinato den e Spa na Piedra Plat!  Pues aki e defensa di abogado no a haci mucho impacto.

E acusacion contra e muher chines M.T. ta, cu riba 11 Juli 2016, intencionalmente y cu forza, el a hinca varios biaha e victima difunto R. Fingal, cu cuchio na curazon, pulmonnan, nek y garganta. Ademas di esey, na ultimo momento el a dal e victima cu martieu na su frenta.

Pues Diabierna mainta, lesando e sentencia, Hues a duna e muher Chines, un condena di 10 aña di prison pa a kita bida di e Director di Serlimar.

Hues ta di opinion pues cu e bida di e muher Chines M.T. no tabata den extremo peligro pa a defende su mes.  Pues e ta opina cu intencionalmente e muher a kita bida di Fingal.

Encuanto e acusacion den e otro dagvaarding cua ta “Menaza cu morto”, aki tambe Corte a haya esey proba.  E muher chines M.T. a haci su mes culpable na homicidio door di hinca e victima varios biaha den pecho, hinke mas biaha y dal e cu martio.  Pues e sospechoso ta castigable, segun Hues.

Huez no ta exclui cu e victima a gara tene e sospechoso cu intencion sexual. Pero el a reacciona desproporcional y sin hustificacion.  Homicidio ta un di e crimennan mas pisa cu tin.  E bida ta e bien mas precioso di e ser humano.  Consecuencianan di homicidio ta ireversible.

Corte ta opina cu e crimen aki di e chines M.T., a conmove comunidad cu e acto y sigur esaki ta nifica cu T. lo mester sinta castigo pa e crimenan cu e la comete.

Mas aki rato DIARIO lo trece e relato completo di e sentencia di Hues, incluyendo e hecho cu Abogado mr. Lejuez ta bay conseha su cliente pa apela e sentencia di Hues di Prome Instancia.

- Advertisement -

DUNA COMENTARIO

Please enter your comment!
Please enter your name here