Home Hudicial Hues no ta haya cu sospechoso kier a mata e victima cu...

Hues no ta haya cu sospechoso kier a mata e victima cu cuchiu

602
0
SHARE
- Advertisement -

ORANJESTAD (AAN): Hues no a haya e homber M.M. culpable di intento di mata sino maltrato cu arma. Ta asina cu e homber M.M. ta para riba cu e no a hinca e homber A. na su garganta dia 9 Augustus 2016.

   EXIGENCIA DI FISCAL

Dia 7 April 2017 a trata e caso caminda Fiscal a mustra cu M.M. a bisa Polis, cu e dia ey e tabata den un otro cas y a menciona tres testigo. Un testigo a bisa cu M.M. tabata cun’e den un cas di choller. Un otro testigo a bisa cu e no conoce M.M. y no sa nada di e hincamento. E otro testigo cu M.M. a menciona no ta existi mes.

Na opinion di Fiscal, a base di declaracion di e victima A. y otro testigonan y e declaracion falso di M.M., e ta haya M.M. culpable di intento di mata. Fiscal a bisa cu ta un milager cu A. ainda ta bibo.

Ta un caso hopi serio. El a mustra cu M.M. tin un carchi di castigo cu varios castigo di maltrato. Ultimo castigo tabata 4 aña y 6 luna pa atraco cu violencia. Fiscal a bisa cu e ta haya masha laf cu M.M. a ataca A. den su soño. El a exigi 5 aña di prison, kitando e tempo cu M.M. ta sera den KIA.

    SENTENCIA:

Maltrato cu arma: Hues a bisa cu e ta haya legalmente proba cu M.M. a maltrata e victima cu un arma. Hues no ta kere cu M.M., cu e no tabata presente den e cas ora e hincamento a sosode. Hues a bisa cu tin testigonan cu a mira M.M. den e cas. Na opinion di Hues, no tin ningun motibo cu e testigonan ta gaña.

Herida no tabata severo: Hues ta haya cu M.M. a causa herida na garganta di e victima A. E victima a bisa cu e tabata drumi y a sinti un hinca den garganta y a spierta.

Hues a mustra cu segun e raport di personal di Ambulance, cu a atende e victima, e victima a sufri algun herida no hundo na garganta.

No intension di mata: Na opinion di Hues, e heridanan aki ta mustra cu no por bisa cu M.M. tabatin intension di a mata of causa herida severo.

Castigo: Pesey Hues ta haya M.M. culpable di maltrato cu arma y no intento di mata, manera Fiscal a acusa M.M. Esey ta haci tambe cu Hues reduci e exigencia di Fiscal. Hues a condena M.M. na 247 dia di prison y a duna orden pa M.M. haya liber di biaha.

 

- Advertisement -

DUNA COMENTARIO

Please enter your comment!
Please enter your name here