Home Hudicial Huez a sentencia Empleado di Gobierno cu a ser haya cu pornografia...

Huez a sentencia Empleado di Gobierno cu a ser haya cu pornografia di mucha den computer

1299
0
SHARE
- Advertisement -

ORANJESTAD (AAN): Corte den Promer Instancia a trata un interesante caso penal cu Ministerio Publico a cuminsa contra un empleado L. cu tabata traha na OC, kende ta wordo acusa di malversacion di algun articulo di OC y tambe cu entre 31 Maart 2015 y April 2015, e tabatin pornografia di mucha den su computer.

Malversacion: Hues a mustra cu Landsrecherche a haci investigacion na OC, a base di un combersacion caminda a scucha L. bisa un persona cu e lo a coy un printer y cash register for OC y otro cosnan di oficina. A haci investigacion na cas di L. y a haya nan. Un hefe na OC a haci keho di malversacion. A reconoce e articulonan haya na cas di L. como di OC. Ta asina cu OC a haya e printer y cashregister como donocacion.

L. lo a declara cu a coy cosnan pa hiba cas y despues lo mira kico lo mester hiba bek. L. a bisa Hues den Corte cu miembronan di Landsrecherche a interpreta cu ta intencionalmente y premedita a coy cosnan pa bay cune. El a splica cu e tabatin conflict cu e minister di Husticia pa un periodo di 2 aña caba y a dicidi di hiba su cosnan cas. E tabata warda un carta di traslado di e minister.

El a bisa cu e motibo cu el a bay cu printer y cash register, ta pasobra nan no tabata propiedad di OC. Na opinion di L. e no ta haya cu e articulonan aki tabata donacion. Segun L. e printer y e cashregister no ta funciona. E mes a zorg pa drecha e printer y tabata usa esaki na trabao.

Conflicto cu Minister: L. a mustra Hues cu 2 aña largo minister di Husticia tabata molesti’e. El a dicidi di cuminsa caso den Corte y segun L. el a gana 4 caso contra e minister pa a suspende sin motibo. El a bisa cu el a wordo bisa cu pa dia 31 Maart 2015, e mester bay for di e oficina. E no a haya ningun carta.

Hues a puntra pakico e ta bay cu cosnan di OC. Segun L. el a bay cu nan pa sorta e cosnan pa 1 Mei 2015 e cuminsa traha na un otro departamento. Hues a remarca cu si OC haya cosnan, no ta pa L. dicidi si e ta bay cu nan.

Pornografia: Hues a mustra cu riba L. su computer, miembronan di Landsrecherche a haya imagennan di un mucha muher di 15 aña entre 2013 – 2015 cu tabata na OC. Segun L. e no sa sigur si e imagennan ta di e mucha. El a splica Hues cu e tin combersacion cu diferente personanan riba computer y no kier pa su partner sa di esakinan. Hues a bisa cu L. tabatin un folder special riba e mucha muher.

Hues ta haya cu aki ta potretnan porno di un mucha menor di edad. L. a bisa cu e no ta di acuerdo cu e ponencia di Landsrecherche. Segun L. nan ta potret di un amiga mayor di edad y no di e mucha.

Fiscal a remarca cu door cu e fotonan tur ta den un secuencia, ta sali for di e punto di bista cu ta di e mucha menor di edad su potretnan. Segun L. ta potretnan cu a saca for di cellular y despues manda riba computer.

El a bisa cu el a cuminsa traha na Voogdijraad y tin 2 aña riba suspension relaciona cu e caso aki.

EXIGENCIA DI FISCAL

Fiscal a bisa cu segun L., e compania ta laga cosnan atras na OC y el a coy e cosnan. Na opinion di Fiscal esey no ta corecto. E cosnan ta donacion di Price Smart na OC. For di tapmento di cellular ta conclui cu L. a tuma un posecion cu no ta corecto.

Pa loke ta trata e potretnan porno di mucha menor di edad, a haya esakinan den L. su computer na trabou. Mirando e secuencia di potretnan ta conclui cu ta potret di mucha. Fiscal a bisa cu e no ta kere loke L. a bisa cu tin potret di ex amiga den e potretnan.

Pa loke ta castigo, Fiscal a bisa cu e ta tuma na serio e potretnan porno di mucha. El a bisa cu L. tabata 10 dia sera y lo tene cuenta cu esey. Fiscal ta haya cu mester mas castigo. El a exigi 100 ora di trabou pa comunidad, caminda ta kita e 10 dianan y ta bira 80 ora di trabou pa comunidad.

ABOGADO

Mr. v.d.Biezen a mustra riba e problema di L. cu e minister cu a conduci cu e mester a bay for di OC. 31 Maart 2015 e mester bay y a hinca tur cos den cahanan di carton. 20 April 2017, Landsrecherche a haci investigacion na cas di L. y a haya printer, cash register y otro cosnan di oficina na su cas. Na opinion di e abogado, no por papia di a podera di cosnan pasobra esakinan tabata den un caha. E printer y cash register a wordo laga atras na OC y no tabata traha.

Pa e asunto di porno, e abogado a bisa cu tin algun potret den computer di L. y ta sospecha cu ta potretnan di mucha menor di edad. Tin potret di pechonan di un muher y no por bisa cu esey ta potret di un mucha menor di edad. L. tabatin contacto cu su ex amiga y tabatin potretnan. No por bisa cu e potretnan ta di un mucha menor di edad. Fiscal ta pretende cu pasobra tin potret di e mucha menor di edad, e otro potretnan porno mester ta di dje. Esey no por. No tin prueba convicente di esey.

Tin dos potret di un mucha menor di edad pero esakinan no tin nada di porno.

SENTENCIA

Hues a sera tratamento di e caso y a bisa cu e ta dicta sentencia di biaha.

Malversacion: Hues a bisa cu e ta haya legalmente proba cu L. a malversa articulonan di OC. Hues a bisa cu e no ta kere e punto cu ta cosnan cu Price Smart a laga atras. Hues ta haya cu ta OC mester dicidi kico mester sosode cu esakinan.

Porno: Hues tambe ta haya proba e potretnan porno di mucha menor di edad. Hues ta haya esaki hopi serio mirando e trabou cu L. tabata haci na OC.

Pa cu e castigo, Hues a tene cuenta cu ta casonan bieu y asina mes e ta haya exigencia di Fiscal hopi suave. Sinembargo Hues ta confirma e exigencia di Fiscal.

Hues a condena L. na 80 ora di trabao pa comunidad.

 

- Advertisement -

DUNA COMENTARIO

Please enter your comment!
Please enter your name here