Home Policial Hulandes cu arma a keda cera pa mas investigacion

Hulandes cu arma a keda cera pa mas investigacion

296
0
SHARE
- Advertisement -

ORANJESTAD,(AAN);— Informe suministra pa cuerpo policial Curacao ta menciona cu diadomingo 9 April 2017 marduga pa alrededor di 02:34  un homber a presenta na e Centro Nocturno na “Jan Thiel” cu un arma di candela hunto cune y a trata di drenta e establecimento.

Ora el a keda descubri el a bay na un auto staciona den vecindario y a warda e arma di candela.

Mientras tanto patruya di polis a presenta y nan a bay haci un investigacion y durante control den e auto nan a bin descubri un arma di candela, pistol caliber 38 bao di e stul di chofer.

Polis a continua cu nan investigacion y nan a detene e homber pa mas o menos tres’or di  marduga como sospechoso. Tabata trata  den e caso aki di e homber di inicial B. van L. naci na Hulanda di 20 aña. Polis a sigui hiba control riguroso na e sitio y nan a descubri y confisca cierto cantidad di marihuana den un vehiculo cu dos ocupante masculino den dje.

A detene e dos sospechosonan di inicialnan Y.J.R.M. naci na Corsou 22 aña y A.G.P. naci na Corsou 20 aña. Despues di interogacion na a wordo laga den libertad.

B.van L. a wordo presenta dilanti fiscal auxiliar y  e ultimo a ordena cu e detenido ta keda cera pa mas investigacion.

 

 

- Advertisement -

DUNA COMENTARIO

Please enter your comment!
Please enter your name here