Home Deporte Inicio Curso Basico Pa Entrenador

Inicio Curso Basico Pa Entrenador

12
0
SHARE
- Advertisement -

ORANJESTAD (AAN): Dialuna, dia 10 di April 2017, Comite Olimpico Arubano (COA) lo duna inicio na su Curso Basico pa Entrenador Deportivo.

E Curso Basico pa Entrenador por wordo considera como un prome paso pa futuro entrenadornan deportivo cu ta aspira pa bira un entrenador profesional, pa di e forma aki contribui na sigui eleva e nivel di nos deporte Arubano.

E curso aki tin como obhetivo:

Pone un base solido pa e conocemento general, tanto practico como teoretico;

Introduci y desaroya metodo practico di entrenamento;

Introduci medionan actualiza den e area di entrenamento deportivo.

 

Di e forma aki Comite Olimpico Arubano ta sigui duna su aporte na su federacion nan deportivo en particular pero tambe na deporte en general, pa sigui desaroya e conocemento y e habilidadnan necesario riba e tereno di entrenamento pa asina garantiza planeamento y preparacion di atletanan den un forma structura.

 

Tur e federacion nan afilia na COA a ricibi un invitacion personal pa inscribi nan potential futuro entrenadornan pa participa na e curso aki.

Den un segundo vuelta, cual lo tuma lugar e aña aki ainda, COA lo duna e oportunidad na tur otro interesado cu ta cumpli cu e criterionan di admision, pa participa na e curso aki.

Pa por participa na e curso aki e candidato mester tin e edad minimo di 17 aña, mester tin un nivel di preparacion minimo di MAVO, EPB of un preparacion similar. E mester tin afinidad cu deporte y por demostra esaki.

Duracion di e curso ta aproximadamente 3 Luna. En principio lesnan lo tuma lugar riba diaranzon anochi 07.00 PM- 09:00 PM y diasabra mainta di 09:00 AM – 01:00 PM y lo tuma lugar na Colegio Arubano lokatie Emma.

Pa mas informacion tocante e Curso Basico pa Entrenador por tuma contacto cu sr. Robert Falconi na cellular 5933367 of por yama oficina di Comite Olimpico Arubano riba e number 5820031. Tambe por e-mail na coadirdes@gmail.com

- Advertisement -

DUNA COMENTARIO

Please enter your comment!
Please enter your name here