Home General KPA a dicidi cu no lo duna “waarschuwing” mas pero ta bay...

KPA a dicidi cu no lo duna “waarschuwing” mas pero ta bay tuma accion contra maltrato di bestia

4119
3
SHARE
- Advertisement -

ORANJESTAD    (AAN):   Trudy Hassel di Plataforma Ley di Cacho a duna di conoce cu e detencion cu a tuma lugar recientemente relaciona cu maltrato di bestia ta hopi importante. “Nos a hay’e casi un detencion simbolico pa por demostra na Aruba cu tur e tempo cu Plataforma tabata por ta keto, pero nos tabata trahando behind the scenes pa asina nos por cuminza sigura e seguridad y e trato humano di e animalnan na Aruba”.

Segun Hassel, a pasa den un periodo unda polisnan a cuminza duna “waarschuwing”, esta advertencia pa asina e hendenan ta conciente cu nan tin cu pone atencion na nan bestianan y no trata nan na un forma sumamente cruel.

Durante tur e tempo cu nan a duna informacion y te hasta cursonan con pa trata bo cacho, etc, lamentablemente ainda ta constata cu hopi hende na Aruba cu tin bestia no ta conciente cu e bestia mester wordo trata debidamente, el a subraya.

Recientemente a haya algun melding relaciona cu maltrato di bestia y Cuerpo Policial a dicidi cu no ta bay sigui cu “waarschuwing” mas y ta bay cuminza tuma accion. Esaki a yega na e punto cu un persona a wordo deteni pa maltrato di bestia.

Tin personanan cu no ta conciente cu e cosnan aki ta para den ley, Trudy Hassel a duna di conoce. No solamente den e ley di cacho pero tambe den nos codigo penal. Eynan tin articulonan cu ta bisa cu na momento cu bo ta neglisha/maltrata un bestia esey ta castigabel. Hopi hende ta kere cu nan por sigui maltrata bestia na Aruba.

Kico ta cay bao di maltrato? 

Articulo 2 di e “Hondenverordening” ta papia bon cla cu tur e circunstancianan cu ta wordo mira como maltrata di bestia. Entre otro, si bo ta mara bo cacho na cadena den solo, sin cu bo ta duna awa suficiente y bo no ta dun’e cuminda na ora, of at all bo no ta alimenta e bestia, tur esey ta cay bao di maltrato di bestia.

Si bo ta kere cu bo por laga bo cacho cana ariba caya y e tin cu bay busca cuminda, pasobra na cas e no ta haya y e tin cu bay busca awa na e bisiña unda cu e ta bay bringa cu cacho y casi ataca hende, tur eseynan ta formanan di maltrato di bestia, Trudy Hassel a indica.

El a agrega cu e ta spera cu e accion aki ta duna un mensahe bon cla na un y tur.

- Advertisement -

3 COMMENTS

  1. por fin berdad, pasa hopi lihe na caya alexuis, tin cachonan cu ta terorisa e caya einan, net unda hopi mucha di skol ta pasa, saludos

DUNA COMENTARIO

Please enter your comment!
Please enter your name here