Home Noticia Internacional Maduro a anuncia aumento di cantidad di milicianan arma na 500 mil

Maduro a anuncia aumento di cantidad di milicianan arma na 500 mil

25
0
SHARE
Miembros de las milicias bolivarianas marchan durante el séptimo aniversario de este grupo frente al palacio presidencial de Miraflores en Caracas, Venezuela, el lunes 17 de abril de 2017. Este grupo armado al que se incorporan civiles fue creado por Hugo Chávez y es una rama de las Fuerzas Armadas del país. La celebración ocurre en medio de una creciente tensión y protestas en el país desde finales de marzo. (AP Foto/Ariana Cubillos)
- Advertisement -

CARACAS—- Presidente Nicolas Maduro a anuncia cu el a aproba pa aumenta e cantidad di civilnan incorpora den milicianan arma di Venezuela, mientras cu e tension y protestanan opositor ta persisti den e pais sudamericano.

E mandatario a bisa di ta spera cu e cantidad di civilnan uniforma lo crece pa 500 mil, aunke ya e ta mas di 100 mil, segun calculonan oficial.

El a agrega cu cada integrante di e forza milita lo haya un rifle di combate.

Milicianan bolivariano (foto archivo) a wordo crea pa e fayecido president Hugo Chavez pa incorpora su seguidornan  y colabora cu otro forzanan militar den defensa di su revolucion socialista contra atakenan local  di exterior.

Chavez a establece como mete pa incrementa e cuerpo na un miyon civil.

Celebrando creacion di e milicianan, e ministro di defensa, general hefe Vladimir Padrino Lopez, a afirma cu e cuerpo lo representa un “arma strategico y un icono di union civico militar”.

Maduro a efectua su anuncio durante un acto den  palacio di gobierno, unda a celebra e di siete aniversario di milicianan mey mey di e tensionnan genera pa protestanan casi diariamente desde fin di luna pasa, a raiz di dos sentencia cu Tribunal Supremo di Husticia a emiti contra Asamblea Nacional, cu desde 2016 ta den control di oposicion.

Tribunal despues a hala aden e decision contra Congreso, pero e criticanan internacional y protestanan no a para.

E dirigente opositor Henrique Capriles a rechaza entrega di e armanan na milicianonan indicando cu segun constitucion, e uniconan cu por carga arma di guera ta militarnan. “Venezuela ni kier riflenan di guera. Venezuela kier cuminda y remedi,”

El a indica riba s cuenta Twitter, asegurando cu “Maduro ta mas desespera cu nunca”.

E ex presidente di Congreso, diputado Henry Ramos Allup, a descarta cu declaracion di e mandatario por intimida opositornan y a laga sa riba su cuenta Twitter cu Maduro no ta cera boca di e pueblo cu aumento di milicianan y cu ta 85 porciento di venezolano ta rechaza e regimen di Maduro.

 

- Advertisement -

DUNA COMENTARIO

Please enter your comment!
Please enter your name here