Home Noticia Internacional Marchanan contra otro a sigui mantene Venezuela bao di tension maximo

Marchanan contra otro a sigui mantene Venezuela bao di tension maximo

38
0
SHARE
- Advertisement -

CARACAS:— E marchanan na Venezuela a sigui ayera despues cu diaranzon 3 morto a cay, entre nan un efectivo di Guardia Nacional. E diputado den Asamblea General pa mesa di Unidad Democratico (MUD), Jorge Milan,  a denuncia ayera cu efectivonan di seguridad a tene seis miembro di Primer Justicia den avenida O’Higgins di El Paraiso.

“Nan a bay cu seis dirigente di Primero Justicia cu tabata na e punto sperando mas ciudadano”, el a informa den un entrevista cu Vivo Play.

Tomas Guanipa, secretario general di partido tambe a confirma esaki: “Guardia Nacional Bolivariano a detene dirigentenan di Primero Justicia pasobra nan ta concentra pacificamente”, el a bisa.

El Paraiso ta un di e puntonan di concentracion di e mas di 26 puntonan cu oposicion a asigna pa “mama di tur marcha”, convoca pa ayera, despues cu diaranzon e marcha a tuma lugar den e henter e pais y cu mas di 400 persona a keda deteni.

Diaranzon Polis arma a reprimi manifestantenan y a registra dos morto y varios hende herida den actonan violento durante e marchanan na Venezuela.  Tabata di seis marcha di oposición cu ta exigi eleccion general y respet pa parlamento, e unico podernan publico cu nan ta controla den marco di e crisis político y económico  grandi cu e país ta sufri.

– Segun testigonan e victima di 23 aña di edad, Paola Ramirez a dicidi di sali di plaza varios minuut despues cu e disturbionan a cuminza y un grupo di supuesto civil arma cu a actua contra e manifestacion den cercanía a dispara riba dje di cerca y sin expresa un palabra.

Su curpa a wordo lanta for di e lugar di parti un comision di cuerpo di investigacion científico, penal y criminalistico mey mey di “protestanan di bisiñanan” rechazando e violencia, segun un periodista cu tabata na e lugar

Gobernador opositor y dos vez candidato presidencial Henrique Capriles a referi na asesinato di e muher riba Twitter unda el a comparti un nota tocante esaki y agrega: “eynan nos tin e contesta di Maduro: mata venezolanonan!”.

E muher mata den estado Tachira cerca di frontera cu Colombia, “no tabata participa den e protesta, e tabata na cuatro cuadra di e protesta y para den plaza San Carlos den ciudad San Cristobal capital di e entidad, hunto cu otro personanan ora cu a tira riba dje”, según un periodista presente di Efe a wordo bisa na e lugar.

– Centenares di opositor na diferente puntos di Caracas a enfrenta e cuerponan di seguridad, a pesar cu esakinan a tira bomnan lacrimogeno y dispara bala di rubber pa dispersa y bloquea e marcha di pasa.

— Según e diputado opositor Juan Guaidó riba un Tweet: “E represion tabata contra hobennan, ancianonan, indigenanan, y sociedad civil “ Nos lo sigui den resistencia pacifico! “

– Segun president di Hospital Clinicas Caracas, Amadeo Leiva, e hoben di 17 aña di edad cu a muri den e hospital despues di a ricibi un tiro den cabez di parti un persona cu a pasa riba un motocicleta disparando despues di a tira bomnan lacrimogeno, ta conoci como Carlos Jose Moreno.  Tambe cu hopi hende a tira curpa den riu Guaire na Caracas debi na e represion policial.

- Advertisement -

DUNA COMENTARIO

Please enter your comment!
Please enter your name here