Home Suceso Marina Hulandes usando helicopter a yuda captura casi 700 kilo cocaina

Marina Hulandes usando helicopter a yuda captura casi 700 kilo cocaina

394
0
SHARE
- Advertisement -

ORANJESTAD (AAN): Piscadonan sa usa e expression “Catch of the Day”. Ta asina cu siman pasa e fragata Zr. Ms Van Amstel den 48 ora a confisca na dos ocacion un total di casi 700 kilo di Cocaina.

Manera ta conoci e fragata di Marina Real a encarga cu seguridad den awa teritorial den Caribe. Segun e version ricibi cu durante di practica pa tira dilanti costa di Corsow a drenta informe tocante un boto sospechoso.

Parce cu ta trata di un boto chikito di motor un asina yama Go – Fast. E boto segun e version na  e momento ey ta panort di awa territorial di Colombia. E fragata Zr Ms. Van Amstel full speed a bay direccion di e posicion indica y tambe a pone helicopter mesora den action pa detecta e Go –fast.

Algun miya di e go-fast Zr Ms Van Amstel a lanza ambos RHIB’s cu asina yama boarding team di Warda Costa Mericano. Na momento cu RHIB”s a yega cerca di e Go-fast esnan abordo di esaki ta saca y ta benta paketenan sospechoso den laman.

Diez paki a wordo pisca y saca for di laman y abordo di Go –Fast a wordo detene tres tripulante y mas tres paki sospechoso den e Go- fast a wordo confisca. Mirando cu e Go –Fast practicamente no por usa esaki mes e tripulantenan deteni hunto cu nan contrabanda a wordo aborda ZrMs Van Amstel.

Investigacion a determina cu e paketenan ta contene cocaina. En total e droga confisca ta pisa mas o menos 325 kilo. Locual ta e tres detenidonan mas e cocaina confisca a wordo entrega na e personal di Kustwacht Mericano.

Mientras tanto prome cu a entrega tanto e tripulantenan  deteni mas e droga na warda costa Mericanonan, ta drenta informacion fresco, un avion di reconocimento (tipo Dash-8) di Kustwacht Caribense encarga tambe cu seguridad den awa territorial den Caribe a notifica ZrMs Van Amstel tocante contacto sospechosonan nobo. Un biaha mas helicopter Nh-90 Maritiem a wordo dirigi riba un boto sospechoso. Esnan abordo di e boto no ta reacciona pa stop di sigui nabega pa e señalnan di esnan abordo di e helicopter.

No a keda otro opcion pa esnan abordo di e helicopter basha bala di advertencia pa asina forza  capitan di e boto reacciona pa paga motor.

Un total di 15 saco contene Cocaina mas o menos 350 kilo a wordo confisca. E tripulantenan a wordo aresta y hunto cu droga confisca a entrega nan na personal abordo di Warda Costa Mericano.

- Advertisement -

DUNA COMENTARIO

Please enter your comment!
Please enter your name here