Home Salud Meldingnan pa casonan sospechoso di chikungunya/zika ta mas cu mil

Meldingnan pa casonan sospechoso di chikungunya/zika ta mas cu mil

31
0
SHARE
- Advertisement -

Clayton Croes di GKMB: apelacion na comunidad pa yuda elimina criadero

ORANJESTAD   (AAN):  Gele Koorts Muskiet Bestrijding (GKMB) ta keda haci un apelacion na comunidad pa elimina criadero di sangura.

Doñonan di cas cu no ta duna nan aporte ta keda un problema. GKMB tey 100% e dianan aki mirando cu nan ta fumigando parti atardi y tambe parti mainta nan ta bishitando tur e casnan cu casonan sospechoso, Clayton Croes di GKMB a duna di conoce.

Atardi ainda ta fumigando den e diferente barionan, pero e cooperacion ta keda esencial. E fumigacion ta percura pa baha e poblacion di sangura na un nivel cu ta baha e “transmission rate” di chikungunya y zika, pero no ta elimina un criadero, Croes a indica.

El a sigui splica cu e criadero ta wordo elimina door di simplemente un control di e doño di cas, cu un biaha pa siman ta deshaci di e obhetonan cu ta contene awa innecesariamente, cu esey ya caba un trabao grandi ta wordo haci.

Pa loke ta e casonan confirma, esakinan ta den carera di 300. E meldingnan a pasa un cantidad di 1000. Di tur e casnan cu a wordo bishita, un promedio di casi 60 so a wordo detecta cu criadero. Pesey mester bisa cu comunidad ta colaborando den e sentido cu e cantidad di criaderonan ta abao.

GKMB ta haciendo su maximo esfuerzo. Ta forzando e protocolnan te na extremo, pero ta spera cu comunidad duna di su banda. “Bo no ta haci’e pa Gele Koorts pero pa bo mes”, Clayton Croes a expresa.

 

- Advertisement -

DUNA COMENTARIO

Please enter your comment!
Please enter your name here