Home Noticia Internacional Melenchon, enemigo di Merca y admirador di Hugo Chavez a sacudi campaña...

Melenchon, enemigo di Merca y admirador di Hugo Chavez a sacudi campaña frances

26
0
SHARE
Jean-Luc Melenchon, candidate of the French far-left Parti de Gauche and candidate for the French 2017 presidential election, delivers a speech to supporters from a barge during a cruise on the canal de l'Ourcq in Paris, France, April 17, 2017. REUTERS/Alain Jocard/Pool
- Advertisement -

PARIS:— “Percura pa boso ta prepara pasobra ami si ta cla prepara”, Jean Luc Mélenchon a keda ripiti na su seguidornan y cu un pose presidencial. Ningun hende a pensa cu e candidato  presidencial di Parti des Gauche lo a yega na final di “cabez cabez” cu e grandinan te na e momento nan ey Emmanuel Macron, Marine le Pen y François Fillon pa eleccion diadomingo awor na Francia.

Ta prome biaha un politico di extrema derecho por yega di dos vuelta  electoral y aspira di un forma realista presidencia di e Republica.   Pasa loke pasa den urnanan electoral, Mélenchon, enemigo visceral di Merca, admirador de Hugo Chávez, partidario di incauta sueldonan di mas di  450.000 euros anual, ta caba, despues di e colapso socialista, e figura di referencia di izquierda frances.

Su tres rivalnan grandi a trata e siman aki di congrega multitudnan den reunionnan politico convencional, pero Mélenchon kende su campaña ta leu di esnan mas creativo, a subi un barco-hogar y recori e banlieu parisina pa termina den capital . El a haci cinco parada pa celebra cinco micromitin den canalnan y Seine, cu musica di fanfaria y humor na abundancia.  “Diverti boso mes, disfruta, prensa a cuminza papia di e peligroso cu mi ta  y esey, no duda, ta bon noticia, nan tin miedo di nos y no molestia boso mes cu esey.

Mélenchon cu cada parada tabata acumulando un retraso y na su ultimo escala, net dilanti Biblioteca François Mitterand na Tolbiac el a yega dos ora laat algo cu su seguidornan a custumbra cune di dje.

Mélenchon ta casi tan culto y cínico como Mitterrand y su discursonan, improvisa, y gestonan malhumora cu ta defini e personahe, ta deleita e audiencia. E ta sordo, desconfia y colerico pero sa con pa hari di su mes.

Na Tolbiac varios seguidor di Emmanuel Macron a acudi despues di nan reunion di cera campaña na Bercy, net na otro banda di e riu. Nan tabata bisti cu camiseta di Macron y carga bandera europeo. Mélenchon a mira e banderanan blauw, y teatralmente el a bira su mirada haci un gesto comico cu su cara y a saluda nan; “Bon bini, ainda boso por rectifica boso voto”, el a bisa e seguidornan di Macron.  Mélenchon a priminti den su programa un gasto publico grandi , belasting di 100% pa salarionan mas halto, servicionan gratis y un aumento generaliza di poder adquisitivo pa esnan cu sueldo mas abao. “Hacimi un fabor, no lagami so cu e televisionnan y propaganda, videonan, papia cu amigonan, haci yamadanan di telefon organiza fiesta y BBQ diabierna. Moviliza y moviliza boso hendenan pa eleccion di diadomingo. Y awor: “Bay dja’ki ¡! El a despedi di su publico, y converti den e sorpresa di campaña y cu posibilidad grandi di avanza pa di dos vuelta di eleccion.

- Advertisement -

DUNA COMENTARIO

Please enter your comment!
Please enter your name here