Home Turismo Mercado colombiano a cuminza haya forza bek

Mercado colombiano a cuminza haya forza bek

46
0
SHARE
- Advertisement -

ORANJESTAD   (AAN):  Maria Victoria Galan ta dirigi e oficina di ATA na Colombia, kende ta conta riba  mercado Colombiano, cu ta un mercado cu Aruba ta gusta hopi. E ta conta riba nan trabou na Colombia y un conferencia manera CATA, kico e ta nifica pa nan.

E ta splica cu e mercado Colombiano ta activando fuertemente. Den e ultimo dos aña a recupera bastante di e mercado cu tabata un poco atras pa motibo di exigencia di Visa. nan ta trahando duro pa trece un turista di bon nivel, dispuesto pa invertir, pa disfruta di e isla. Na e momentonan aki, cu tur reorientacion di e region, rond di un solo campaña y un structura mercader mas solido, ta trahando fuertemente pa logra excelente resultado pa e isla y pa e region.

Galan a sigui splica cu un conferencia manera CATA ta un gran oportunidad pa e mayoristanan actualisa na Aruba y esnan cu no conoce, pa siña conoce. Realmente ta fascinante mira con nan ta impacta cu e beyesa di Aruba, cu e organisacion, cu e hendenan cu tur cos. Ta e miho oportunidad pa atrae mas turismo for di Latino America.

 

Promocion

Galan a splica cu Bogota ta un di e principal mercadonan. Medellin, Cali, Barranquilla y e eje Cafetero y e Santanderes, en realidad e pais a crece hopi, el a desaroya. Tur e regionnan a desaroya y ta sigui crece di manera cu e necesidad pa ta den e mercadonan, tur e principal ciudadnan aki y region, ta eminente. Y ta haciendo esaki desde hopi tempran durante aña pa logra atrae mas hende pa e isla.

 

Con pa convence un Colombiano

Tin retonan grandi, pasobra tin un sobreoferta di Caribe na Colombia y e mesun Colombia tin su Caribe. Sin duda, aspectonan manera e cercania, e siguridad, e clima, e infrastructura hotelero, y e infrastructura di servicio, e hendenan pa excelencia, por bisa cu ta un balor cu ta reforsa hopi, e amabilidad di e hendenan, lo profesional cu nan ta na Aruba, e maneho di turismo, e importancia di turismo pa e isla tambe ta un factor cu hendenan ta compronde, cu si e isla ta depende asina tanto di turismo den su economia, e ta hopi prepara pa ricibi nan bon y pa ofrece un excelente experiencia. Tambe e innovacion, por bisa cu e isla ta reinventa su mes permanentemente e oferta e ta ofrece. Cada aña e tin algo nobo pa conta. E desaroyo di algun evento cu a consolida y tambe riba tur cos, e beyesa natural di e isla y e balor di calidad por bisa cu semper Aruba ta un poco mas costoso compara cu otro destino. E ora ta reforsa cu e experiencia lo bay ta realmente e retorno di e placa ta realmente riba e punto.

 

Reaccion

En realidad, e isla normalmente ta supera e expectativa di e hendenan. Hopi hende ta bin na un isla di Caribe, e ora nan ta regresa cu un sensacion hopi positivo di un experiencia amabel. Ta sorprende por ehempel di e organisacion.

Galan ta sigui bisa cu e aeropuerto di Aruba ta den cambio permanente y e berdad cu hopi creatividad den e forma cu ta presenta e cosnan y ta sorprende e turista.

Aruba tin un producto maraviyoso y e ta hopi grato di por comparti. Pero sin duda te ora cu e hendenan bin, nan no ta logra compronde loke uno kier transmiti di tur e beyesa y tur e infrastructura aki, Galan a bisa por ultimo.

 

- Advertisement -

DUNA COMENTARIO

Please enter your comment!
Please enter your name here