Home Remitido Mester prepara ley cu ta prohibí escavacion di tereno eigendom

Mester prepara ley cu ta prohibí escavacion di tereno eigendom

33
0
SHARE
- Advertisement -

Remitido:

Pa hopi añanan comunidad ta protesta contra e Dump nan ilegal riba nos Isla. Un problema cu nunca a wordo tuma na serio. Awor cu eleccion ta den porta partidonan político tur tin solucion den nan plan di accion político y provecho personal, ta net loke ta stroba e solucion di Dump.

Pesey mi no tin ningun confianza den nan storia.  

Si nos ta wak e problema di huma  y Dump na Tamarijn nos ta wak un doño di un tereno cu a cobra hopi placa pa bendemento di santo pa e Mega Construction di Gobierno. Mientras cu a haci tanto destruccion di nos naturaleza pa medio di escavacion, mester yena e buraco cu tur sorteo di sushedad cu ta rekeri kimamento y humo peligroso pa nos salud general.

Aki Gobierno mes a duna nan aporte pa usa e tereno pa alivia e Dump di ParkietenBos pero awor ta hinca nan cabes den santo sin cu nada ta wordo hasi pa evita mas daño pa futuro . Departamento di Milieu Beheer mester prepara un proyecto di ley cu ta prohibi escavasion di tereno eigendom pa bende santo y maneha un dump ilegal.

Comunidad  di Aruba mester exigí pa bin un ley ambiental cu ta prohibí loke ta pasando Si mester di Santo tin opcion mas safe cu mi mes por avisa. Na mi opinion mester adapta e bestemmingsplan pa tereno eigendom

Mi kier sigui remarca  lo siguiente . Pa resolve e problema di Dump ParkietenBos mi kier sugerí esnan di Partido Grandi y tur e splitsing partidonan cu ta kere cu nan por soluciona pa nan pidi un reunión cu Eddy of Eduardo de Veer di ECOTEC y wak con hunto nan por yega na un acuerdo di maneha e proceso di sushedad di nos Isla

E companía e tempo ey Meta Corporation, mi a conoce di cerca, desde cu Betico a nombrami pa realisa mi plan Help Keep Aruba Clean and Beautiful como su  Presidente di Comision Ambiental di Gobierno. Como 30 Aña pasa Meta Corp  a invertí y sostene grandemente den waste management y proteccion di nos medio ambiente pesey mi no ta papia cos loco.

E companía a wak e necesidad y a invertí pa soluciona pa un gran partí y a duna aporte  adicional na mehoracion di nos departamento Serlimar
ECOTEC tin den companía  un machine cu ta selecta y procesa tur sushi recogi te cu un  final recycled products. Y mihor ainda e no ta necesario pa pre selecta e sushi.  E machine ta hopi caro y su capacidad no ta bay ta suficiente pa procesa full e  sushi recogí di nos Isla.

Un inversión grandi den dos machine mas ta necesario pero un inversión cu si lo resolve e problema  ECOTEC na mi opinion ta e unico companía pa presenta e solucion financiero cu un conocimiento profesional y cu e capacidad unico pa bin cu un solucion factible positivo constructivo y realistico a corto plazo.

Asina so poco poco nos por elimina e uso di un Dump.  Asina so nos por elimina e kimamento di sushi y huma riba nos Isla den su totalidad. Partidonan político no mester warda despues di eleccion pa tuma accion.  Mester duna e problema aki su debido prioridad y resolve mas pronto posible . E pueblo ta spera un  solucion y stop di hunga politikeria cu algo asina serio
Helen Mangroelal 7467571

 

- Advertisement -

DUNA COMENTARIO

Please enter your comment!
Please enter your name here