Home Deporte Michael Charles y Elijah Whithfield ta yuda Warriors kibra invicto di Celtics

Michael Charles y Elijah Whithfield ta yuda Warriors kibra invicto di Celtics

10
0
SHARE
- Advertisement -

Aruba Juniors Basketball

ORANJESTAD (AAN): Aruba Juniors Basketball a continua cu su torneo ora cu Cavaliers a topa cu Heat. Heat a hunga un wega poniendo presion riba e ofensa di Heat. Esaki a duna resultado mirando cu nan a limita e top scorer di e torneo, esta Leonardo Winterdal, na apenas 9 punto.

Heat a mantene un ventaha leve na half 14-12. E di dos mitar a bira un intercambio di basket unda cu Cavaliers ta tuma ventaha di 5 punto pero dos fastbreak di Emanuel Pierre y un put back di Elias Suarez ta bolbe duna Heat e ventaha.

Faltando algun seconde pa wega termina y cu e wega empata na 30, Leonardo Winterdal a horta e bala di Emanuel Pierre pa produci 3 punto y seya e wega. Leonardo Winterdal a score 9 mientras Cedrick Pas a tuma 16 rebounds  pa Cavaliers.

Pa Heat Elias Suarez a score 12punto.Chris Placencio a piki 12 rebound pero no a demostra di por a lidera su team. Den e di dos wega Warriors a bin fuerte y ta kibra invicto di Celtics. Arron Stamper y su Celtic a bin cu e pensamento cu nan lo walk over Warriors pero a pasa lo contrario.

For di cuminsamento di e wega Warriors a tuma ventaha y no a laga esaki bay mas. Warriors bou guia di e veteran Genaro Helder y Elijah Withfield ta hunga un wega mas organiza y ta tuma nan tempo pa ehecuta. Celtics di nan banda ta hunga riba speed pero no tabata efectivo den finish hugada.

Despues cu Warriors tabata ariba 29-24 na half nan ta gana e wega 51-46. Elijah Withfield, Michael Charles, Genaro Helder, y Jevahno Maduro a score 20, 20, 18 y 13 punto respectivamente. Woodberlin Chery a hunga su mihor wega te awor pa Celtics, El a score 16 t a piki 14 rebounds. Arron Stamper 19, Eloy Ruiz 13 y Starling Arismendy 11 tabata e otro top scorernen.

Tambe tabatin un wega entre e mini nan di Aruba Juniors y otro contra Estrella. Den un ambiente deportivo y cu basta mayor presente cu a bin apoya nan yiunan e muchanan a hunga mini basketball y siña conoce e wega miho. E Campeonato ta continua diahuebs y diabierna awor pa 7or riba cancha di Aruba Juniors.

- Advertisement -

DUNA COMENTARIO

Please enter your comment!
Please enter your name here