Home Salud Miembronan di grupo a siña cu “pa enamora” no tin edad

Miembronan di grupo a siña cu “pa enamora” no tin edad

45
0
SHARE
- Advertisement -

ORANJESTAD (AAN): Siman pasa, e asina yama grupo “Flor di Aloe60+ Playa Pabao”, a disfruta di un charla educativo, duna pa Sra: Enid de Kort, di departamento di DAS, encarga cu therapia di famia.

E charla tabatin como titulo, “Enamoramento no conoce edad”.  Tambe a papia encuanto con pa evita di bira victima di scamming y tur loke nos grandinan mester tene cuenta cu ne.

Posteriormente a sigui cu celebracion di cumpleaños di 3 miembro, esta, sra Victoria Andrew, sra Grace Zievinger y sr. Frenk Kock.  Mas cu claro, nan a comparti un dushi treat, durante un mainta ameno.

Comision di e grupo aki, den su afan pa por duna su miembronan, informacion valioso, cu ta yuda na nos crecimento y formacion di nos grandinan, lo continua cu esaki durante e aña aki.

DIARIO a compronde cu pa Diaranzon awor, 12 di April 2017, pa 9.30 di mainta, lo tin Dr. Jaime Falconi, cu un charla tocante Demencia y loke nos tin cu tene cuenta cu ne.

Tur miembro y esnan no miembro interesa, ta bon bini, na Centro di Bario Playa Pabao.

- Advertisement -

DUNA COMENTARIO

Please enter your comment!
Please enter your name here