Home Turismo Miembronan di Prensa americano a Explora Bienestar na Aruba

Miembronan di Prensa americano a Explora Bienestar na Aruba

15
0
SHARE
- Advertisement -

ORANJESTAD(AAN– E tema popular di bienestar, poniendo salud fisico, mental y spiritual na prome luga durante viahenan di vakantie, ta birando un di e tendencianan di biahe cu ta creciendo mas rapido, y e isla den e ultimo añanan aki a logra di incorpora bienestar na un manera exitoso den su menu di actividad riba e isla.

Pa promove e bon noticia tocante oportunidadnan di bienestar, un grupo di miembro di prensa di Merca, hospedando na Hilton Aruba Caribbean Resort & Casino, a enfoca riba e tendencia aki, como invitadonan di e resort y e Aruba Tourism Authority.

Nan a experiencia un programa excitante durante nan estadia riba e isla.

Algun di e actividadnan mas interesante a inclui un cena na Sunset Grille, unda Chef Heron a presenta algun di su specialidadnan delicioso, manera Aruba Mint Cured Salmon como eAmuse Bouche, Lump Crab Mango Cannelloni como un prome plato, y como e plato principal, Organic Corn Fed Chicken Breast y Grilled Line Caught Snapper, cu Strawberry y Lavender Panna Cotta pa e pasaboca.

E grupo tambe a disfruta di un Bike Scavenger Hunt y Tour di e California Lighthouse, y tratamentonan signaturan di e forea Spa, introduciendo un Aloe Sun Relief Wrap, esta un tratamento di 25 minuut consistiendo di cold body wrap, face cleansing, aloe face mask y moisturize, cual a culmina cu un masashi cortico di cabes, nek y schouder, como un regalo extra.

E dignitarionan di bishita tambe a disfruta di un tiki tempo liber, experienciando e resort su piscina y playa; algun di nan a haci paddle boarding riba e bunita awanan di Palm Beach, y otronan a reta nan nivel di fitness cu un wega di Beach Tennis.

Pafo di e resort unda nan a hospeda, e miembronan di grupo a disfruta di un Aventura di Natural Pool cu De Palm Tours y un lunch na Boca Prins, un sesion di Beach Yoga y un atardi a bordo di un Catamaran pa un Snorkel Sail.

E grupo a consisti di escritornan y contribuidornan di Nylon Magazine, Oxygen Magazine, Refinery29 website, Travel Channel/Fly&Dine, Teen Vogue, Health-, Fitness-, Glamour-, Men’s Health- y Women’s Health magazines, Travel + Leisure, Outside Magazine, National Geographic Traveler, Woman’s Day y Boca Raton Magazine.

Ora nan bolbe Merca, nan lo ta introduciendo e abundancia di actividad di bienestar na Aruba na nan lectornan, encurashando turismo cu contenido inovativo di salud y estilo di bida.

 

- Advertisement -

DUNA COMENTARIO

Please enter your comment!
Please enter your name here