Home General Minister di Infrastructura y Infrateam cu presentacion na ABA

Minister di Infrastructura y Infrateam cu presentacion na ABA

15
0
SHARE
- Advertisement -

Tocante tereno pa traha cas:

ORANJESTAD (AAN) – Asociacion di Bankero di Aruba (ABA), a haya un presentacion duna pa Minister di Infrastructura sr. Sevinger y su grupo “infrateam”, den e contexto di un plan cu e tin pa duna mas tereno pa construccion di cas, pa cual a haci e peticion pa banconan comercial yuda nos ciudadanonan cu financiamento.

Den entrevista cu Sr. Javier Wolter, Presidente di ABA a mustra nan un mapa di nos Isla unda cu tin e posibilidad di otorga mas of menos mil tereno pa duna hende, pa construccion di cas.

Wolter a expresa cu ta hopi importante pa nos hendenan tin nan cas propio pasobra esaki ta genera seguridad. Tur e banconan comercial tabata representa durante e presentacion aki di gobierno, pa nan scucha e plan.

El a splica cu loke e plan ta encera ta cu ora un persona bay aplica na DIP pa un pida tereno, e proceso ta bay asina cu ora e persona ta aplica e ta haya un opcion cu ta bisa cu hunto cu e planonan mester entrega un carta di banco cu ta mustra cu su financiamento ta cla, anto tin otro rekisitonan mas chikito pa cumpli cune, y e persona ta bay cu su pakete di condicionnan di opcion, y e ta haya su tereno.

“Hopi hende no ta haya e carta di banco pasobra no ta cualifica pa e prestamo. Pero nan no ta bay bisa na gobierno cu nan no kier e opcion mas. E opcion ey ta keda seis luna. Despues nan ta bay ta pidi extension pa otro seis luna, por ehemplo, y nan ta haye”, sr. Wolter a indica.

Den e situacion aki, loke e ministro y infrateam ta pidi di banconan ta pa ora e persona ta bin aplica na banco nan entrega un calculacion te cuanto e por cualifica pa haya un prestamo. Nan ta bin cu comprobante cuanto e pareha ta gana hunto, cuanto nan gastonan mensual ta, y cuanto nan ta keda cune. Wolter ta subraya cu esaki no ta un compromiso di banco pero nan ta bisa e persona, por ehemplo, cu analizando tur su informacion nan ta dispuesto pa dune un fianza di hipoteca di mas of menos 150 mil florin. E opcion aki ta bay mas lihe, segun sr. Wolter a menciona. Cu e carta  e ta bay DIP, nan ta bise cu basa riba e carta ey e por traha un cas di 125 meter cuadra anto nan ta dune e tereno.

Wolter a señala cu nan ta evalua tur aplicacion cu ta yega na banco, pero si un persona gana salario minimo, normalmente e tin cu bay busca su hendenan pa yude traha e cas, of e tin cu opta pa un cas popular of cas di pueblo (FCCA).

Sea nan por haye na un prijs di huur mas abao, of si nan haya financiamento nan por haye mas acomoda. Pero cu banco y  si ta un solo persona cu gana salario minimo ta mas dificil. Si ta tur dos hende ta gana salario minimo tin mas posibilidad pasobra e entrada hunto ta mas halto.

Wolter a enfatiza cu nos tur sa cu construccion na Aruba ta caro. Biba na Aruba ta caro compara cu e otro islanan den nos vecindario, manera Curacao, por ehemplo.

 

 

 

 

- Advertisement -

DUNA COMENTARIO

Please enter your comment!
Please enter your name here