Home Enseñanza Minister Hooyboer tocante ceramento di scolnan na Paradera

Minister Hooyboer tocante ceramento di scolnan na Paradera

9
0
SHARE
- Advertisement -

ORANJESTAD (AAN) – Matutino DIARIO a acerca Minister di Enseñanza sra. Michelle Hooyboer-Winklaar, tocante e situacion cu a presenta na Paradera cu un dump unda a kima sushi, cu a afecta maestro y alumnonan di e scolnan di e distrito.

Indicacion cu e scol mester a wordo cera a drenta na su ministerio, e dignatario a menciona, y for di momento cu tambe Inspeccion di Enseñanza, entre otro, a wordo comunica pa tuma un decision a base di e situacion, esaki a sosode.

E mandatario a menciona cu ora tin un situacion di peligro manera huma of candela cu por tin un efecto hopi significante pa tanto e alumnonan como maestro, y esey ta e momento cu conhuntamente ta traha un conseho, y esaki ta simplemente un yamada cu ta wordo haci y a base di esey ta cuminza prepara y yama e mayornan, pasobra tin biaha esey ta tarda pa haya e mayornan bek.

E mandatario tin entendi cu e proceso aki un bez cu haya e aprobacion pa tuma e pasonan aki cera e dos scolnan basico y e kleuterschool, a procede na fumigacion.

Mirando cu ta un situacion cu no lo a wordo resolvi den un par di dia y cu kizas lo tarda un par di dia mas prome cu habri e scolnan bek, dependiendo di e informacion cu Brandweer y Departamento di Salud Publico, duna.

Prome cu cera un scol mester tene cuenta cu tur e mayornan mester bin busca nan yiu, pero esey tin biaha ta dificil pa algun di nan y esey kiermen cu e personal tin cu keda tog te ora tur mayor bin busca nan yiu.

Tur esaki ta trece un sobrepeso y pesey Inspeccion di Enseñanza ta esun encarga pa evalua e situacion, y pa duna un conseho formalmente. Pero tin biaha, sin esaki mes, nan por dal bay cera e scol.

E dignatario a subraya cu esaki ta un situacion cu ta rekeri di un atencion hopi special, mirando mester bay monitor esaki, pa por comunica cu mayornan y bisa nan den tal fecha e scol ta bolbe habri.

 

 

- Advertisement -

DUNA COMENTARIO

Please enter your comment!
Please enter your name here