Home Noticia Internacional Muher balente a para dilanti tanki desafiando Guardia Nacional

Muher balente a para dilanti tanki desafiando Guardia Nacional

77
0
SHARE
- Advertisement -

CARACAS:— Un informacion cu a  pasa riba rednan social ultimodos dianan y cu a wordo comparti rond mundo, ta di un muher cu a desafia Guardia Nacional Bolivariano cu tabata den un tanki di guera.

Fotografonan a relata na BBC di e caso di un muher bisti cu bandera di Venezuela na garganta y un petchi mescos riba cabez  sin miedo y cu a logra para un tanki . Esaki a wordo considera valiente y postura di un heroe.

Un muher di edad avanza durante e marcha riba autopista Francisco Fajardo a stroba e tanki di sigui core.  Efectivonan di Guardia Nacional a trata hasta di kit’e di eynan cu vehiculo cu ta spuit awa, pero no a logra.

Esaki a trece recuerdo,  di e protestanan na China, riba plaza Tiananmen  di juni 1989, na Peking y cu a bay rond mundo. Aki un homber a para dilanti un columna di tanki di guera pero esun cu tabata bini prome no a para y a sigui core y pasa riba e homber. E sucedido aki a wordo transmiti en directo rond mundo durante cubrimento di e demostracion.

Identidad di e muher riba autopista no a wordo publica ainda y no ta conoci si el a keda deteni of no ni cual su situacion ta.

Segun e informe, el a bay kita piedra di riba caminda ora e tankinan a yega.  Diripiente el a para dilanti esun. E manehador a trata di kit’e y tabata bay atras cu e tanki, pero na mes momento e muher tabata bay dilanti confrontando e vehiculo di guera.

Fotografonan den cercania a trata di convenc’e pa kita for di e caminda pero el a nenga y a bisa ademas cu e ta afecta pa gas lacrimogeno. Riba fotonan cu a aparece riba rednan social por a mir’e ta frega wowo tambe.

Por a mira fotonan tambe di un motocicleta cu dos Guardia Nacional cu a kit’e di riba caya y tabata bay cune, pero e momento ey sin su petchi bisti y a ripara cu e tabata tin cabey cortico.

- Advertisement -

DUNA COMENTARIO

Please enter your comment!
Please enter your name here