Home Hudicial Muher Chines a habri Beauty Salon danki na placa cu el a...

Muher Chines a habri Beauty Salon danki na placa cu el a haya di director di Serlimar

4586
0
SHARE
— E muher Chines a haya castigo di 10 aña.
- Advertisement -

ORANJESTAD (AAN): E caso di matamento di e director di Serlimar, difunto R.Fingal, lo por tin un rabo. Luna pasa tabatin un discussion interesante promer cu tratamento di e caso caminda Fiscal a pidi Hues pa pospone e caso pasobra e kier haci mas investigacion riba e resultado di e investigacionnan haci na Hulanda (NFI) riba e cellular di e victima.

DISCUSION

Abogado mr. Lejuez a reclama esaki y ta haya cu asina tanto tempo a pasa y awor kier bay haci cierto investigacionnan. E ta haya esaki un “fishing expedition”, o sea ta awor ta bay mira si lo por haya indicacionnan. Hues a haci Fiscal diferente pregunta pa tin un bista kico e investigacion por produci. Fiscal a bisa cu e no por bisa pasobra e mes no sa kico por spera. Hues a nenga e peticion y ta comparti e punto di bisti di abogado mr. Lejuez cu esaki ta parce un “fishing expedition”. Fiscal a bisa Huez cu aunke cu Hues ta rechaza, e lo bay haci e investigacion toch.

FIAMENTO DI PLACA A CAUSA MORTO?

Promer cu tratamento di e caso a cuminsa, Hues a bisa cu Fiscal kier pa pospone e caso un biaha mas. Fiscal a splica cu e motibo pa pospone e caso di mata contra e muher Chines M.T. ta, cu recien e cellular di e victima Fingal cu a laga NFI investiga a yega.

Investiga cellular: Fiscal a bisa Hues cu ainda miembronan di Recherche, no a analisa esaki. E ta haya cu den e cellular lo por tin informacionnan cu por yuda den trece claridad den e investigacion di matamento di Fingal.

Ademas di esey, Fiscal a mustra cu existi e posibilidad cu lo por bay haci mas investigacion di parti di NFI. Si pospone e caso lo por haya esaki.

Fia placa: Fiscal a bisa Hues cu el a papia cu famia di e victima y a haya mas informacion interesante. Fiscal a splica encuanto a fia placa na Chines pa lanta e beauty saloon. Fiscal ta haya e informacion aki importante pa laga investiga. Pesey el a pidi pospone e caso pa laga investiga esakinan.

Lanta 21 Mil Florin: Fiscal a mustra cu for investigacion cu a haci ta mustra cu na Januari 2016, e victima Fingal, a lanta 21 Mil Florin for di banco y cu e mesun dia ey e lo tabatin un reunion cu e muher Chines M.T.

ABOGADO CONTRA POSPONE

Abogado mr. Lejuez a reclama e hecho cu awor Fiscal kier bay haci investigacion. E abogado a señala cu 8 luna pasa caba Fiscal tabata sa cu lo hiba defensa cu e muher Chines M.T. a acusa den defensa propio. Tur e tempo aki Ministerio Publico tabatin pa haci investigacion. A laga di desea pa cu e investigacion. E abogado a bisa Hues cu for di December 2016, Fiscal tabata sa cu e caso lo sigui na Maart 2017.

Tarda pa haci investigacion: E abogado a remarca cu un dia promer cu e caso Fiscal ta informa cu lo bay pospone e caso pa mas investigacion. E ta haya cu esaki no por ta a consecuencia di detencion di e sospechoso. Na opinion di abogado mr. Lejuez, no ta culpa di e sospechoso cu ta tarda asina hopi cu e investigacion.

“Fishing expedition”: E abogado tambe a remarca cu un dia promer cu e caso, Fiscal a papia cu famia di e victima y awor kier pospone e caso. Despues di tur e tempo aki awor numa Fiscal ta papia cu famia. Na opinion di abogado, ta parce cu ta un “fishing expedition” tin di parti di Fiscal. E abogado a bisa Hues cu ta casi un aña ta bay pasa promer cu tratamento di e caso aki lo por tuma lugar. El a pidi Hues pa no aproba peticion di Fiscal pa pospone e caso.

HUES NENGA POSPONE

Despues di e discussion interesante aki, Hues a haci Fiscal un serie pregunta riba e asunto di cellular. El a punto kico lo por spera cu lo haya for di e cellular. Fiscal a splica Hues cu e no ta un experto y no por bisa nada. El a bisa cu e motibo cu a tarda cu e investigacion ta pasobra cu mandamento di cosnan ta hopi costoso y ta warda pa tin un pakete pa asina manda tur cos hunto.

Hues a bay di acuerdo cu abogado cu a tarda hopi cu mandamento di cellular Hulanda. Hues a bisa cu e ta haya cu lo tin un “fishing expedition” lo bay haci riba e cellular. Hues no ta haya cu awor ta momento pa pospone e caso. El a bisa cu si durante tratamento di e caso lo por bin punto, lo por pospone.

LO SIGUI INVESTIGA

Por a nota cu Fiscal no tabata contento cu e decision di Hues. El a bisa Hues cu apesar cu ta rechaza su peticion, e lo bay sigui investiga e cellular pasobra e kier haya sa kico tur tin tras di henter e caso lamentable di morto di Fingal.

Posiblemente ora cu e investigacion aki keda cla, lo sali mas cos na cla aunke cu dentro di algun siman Hues lo dicta sentencia riba e exigencia di 10 aña di prison contra e muher Chines M.T.

 

- Advertisement -

DUNA COMENTARIO

Please enter your comment!
Please enter your name here